బెల్లంకొండ బాబుకి కూడా అచ్చొచ్చిన రకుల్

తెలుగులో అనే కాదు ఏ భాషలోనైనా రెండు హిట్స్ ఉంటే గోల్డెన్ లెగ్, లేదంటే ఐరన్ లెగ్ అనే బిరుదులు ఇచ్చేయడం షరా మామూలే. అలాంటి బిరుదులు దక్కని హీరోయిన్స్ ఏ భాషలోనైనా చాలా అరుదుగా ఉంటుంటారు. తెలుగులో ప్రస్తుతం స్టార్ హీరోయిన్ గా కొనసాగుతున్న రకుల్ ప్రీత్ సింగ్ కూడా కెరీర్ తొలినాళ్లలో “ఐరెన్ లెగ్” అనే ముద్రను భరించింది. ఒక్కసారి గోపీచంద్ తో కలిసి నటించిన “లౌక్యం” హిట్ అవ్వడం ఆ తర్వాత అమ్మడు నటించిన సినిమాలన్నీ వరుసబెట్టి సక్సెస్ లు సాధించడంతో ఆమెపై ఉన్న “ఐరన్ లెగ్” ముద్ర కాస్తా చెరిగిపోయి “గోల్డెన్ లెగ్” ట్యాగ్ సొంత చేసుకొంది. అందుకోసం ఆమె పడిన శ్రమ అంతా ఇంతా కాదనుకోండి అది వేరే విషయం.

అప్పట్నుంచి రకుల్ ని తమ సినిమాలో హీరోయిన్ గా పెట్టుకొంటే సినిమా హిట్ అనే టాక్ ఇండస్ట్రీలో స్ప్రెడ్ అయిపోయింది. దాంతో.. ముందు మెగా హీరోలందరూ ఆమెను తమ సినిమాల్లో బుక్ చేసేసుకొన్నారు. ఇప్పుడు తాజాగా బెల్లంకొండ శ్రీనివాస్ కు కూడా రకుల్ అదృష్టం తగిలి “జయ జానకి నాయక” సూపర్ హిట్ అయ్యి కూర్చుంది. దాంతో.. ఆమె తదుపరి చిత్రాల హీరోలైన తమిళ సోదరులు కార్తీ-సూర్యలు కూడా యమ హ్యాపీగా ఉన్నారు. ఈ రెండు తమిళ చిత్రాల అనంతరం తెలుగులో ఒక సూపర్ స్టార్ హీరో కూడా రకుల్ ను తన సినిమా కోసం సైన్ చేసే పనిలో ఉన్నాడని టాక్.

Also, do SUBSCRIBE to our YouTube channel to get latest Tollywood updates.