సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ కొన్ని రోజులుగా హైదరాబాద్ లోని వివిధ లొకేషన్లలో చిత్రీకరణ జరుపుకుంటోంది. ఏక కాలంలో తెలుగు, తమిళ భాషల్లో తెరకెక్కుతున్న ఈ సినిమాలో ప్రిన్స్ ఇన్వెస్ట్ గేషన్ ఆఫీసర్ గా నటిస్తున్నా సంగతి తెలిసిందే. ఇప్పుడు అతనికి జోడిగా నటిస్తున్న రకుల్ ప్రీత్ సింగ్ క్యారక్టర్ రివీల్ అయింది. నెక్లెస్ రోడ్ రైల్వే స్టేషన్ వద్ద మహేష్ బాబు, రకుల్ ల మధ్య తీసిన సన్నివేశానికి చెందిన ఫోటోలు బయటికి వచ్చాయి. అందులో రకుల్ డాక్టర్స్ యాప్రాన్ ని చేతిలో పెట్టుకొని ట్రైన్ కోసం ఎదురుచూస్తోంది. ఈ ఫోటోని బట్టి రకుల్ వైద్య విద్యార్థిగా నటిస్తున్నట్లు తెలిసింది.
మురుగదాస్ దర్శకత్వంలో వచ్చిన గజినీ మూవీలో హీరోయిన్ నయనతార కూడా వైద్య విద్యార్థిని పాత్రే పోషించింది. ఆ చిత్రం విజయం సాధించడంతో పాటు, నయనతారకు కూడా మంచి పేరు తెచ్చి పెట్టింది. సో ఈ చిత్రానికి కూడా డైరక్టర్ అదే సెంటిమెంట్ ని ఫాలో అవుతున్నట్లు అనిపిస్తోంది. ఎన్ వీ ప్రసాద్, ఠాగూర్ ప్రసాద్ సంయుక్తంగా నిర్మిస్తున్న ఈ మూవీ టైటిల్ అంటూ గత కొన్ని రోజులుగా అనేక పేర్లు చక్కర్లు కొట్టాయి. ఇంతకీ మహేష్ 23 వ మూవీకి అసలైన టైటిల్ ఏంటో రేపు చిత్ర బృందం అధికారికంగా రిలీజ్ చేయనుంది.
Also, do SUBSCRIBE to our YouTube channel to get latest Tollywood updates.
