కొన్ని బంధాల గురించి చెప్పడానికి మాటలు చాలవు అంటుంటారు. అలాంటి మాటలు చాలని, రాని సందర్భం ఒకటి రామ్‌చరణ్‌కు జరిగింది. తారక్‌ హాస్ట్‌గా ఇటీవల మొదలైన ‘మీలో ఎవరు కోటీశ్వరులు’ కార్యక్రమం కర్టెన్‌ రైజర్‌ కార్యక్రమానికి చరణ్‌ వచ్చిన విషయం తెలిసిందే. ఇందులో చరణ్‌ తన బాబాయి పవన్‌ కల్యాణ్‌తో ఉన్న అనుబంధం గురించి మాట్లాడారు. ఈ క్రమంలో ఇద్దరి రిలేషన్ గురించి ఎమోషల్‌ వర్డ్స్‌ చెప్పారు. జీవితంలో కొన్ని బంధాల గురించి ఎంత ఎక్కువ మాట్లాడినా త‌క్కువే అవుతుంది…
అంటూ పవన్‌తో రిలేషన్ గురించి చరణ్‌ చెప్పుకొచ్చాడు. అలాంటి అనుబంధాల గురించి బయట మాట్లాడితే దిష్టి త‌గులుతుందేమో అని అన్నాడు చరణ్‌. అలాంటి అనుబంధ‌మే నాకూ కళ్యాణ్‌ బాబాయ్‌కు మధ్య ఉంది అని చెప్పాడు. అందుకే మా ఇద్దరి మధ్య ఉన్న రిలేషన్ గురించి నేను బయట ఎక్కువగా మాట్లాడను అని కూడా చెప్పాడు. ‘‘చిన్న‌ప్ప‌టి నుంచి కళ్యాణ్‌ బాబాయ్‌తో ఉన్న రిలేషన్ మాట‌ల్లో చెప్ప‌లేనిది. నాన్న షూటింగ్స్‌లో బిజీగా ఉండేవారు.
అమ్మ కూడా నాన్నతో లొకేష‌న్‌కి వెళ్లేది. దాంతో బాబాయే మా ముగ్గుర్ని ద‌గ్గరుండి చూసుకునేవారు. ట్యూష‌న్స్‌లో స‌రిగ్గా చ‌దువుకోక‌పోతే మ‌మ్మ‌ల్ని మంద‌లించేవారు’’ అని చెప్పాడు చరణ్‌. పెద్ద‌య్యాక చిరంజీవి డైరెక్ట్‌గా చెప్ప‌లేని ఎన్నో విష‌యాల‌ను పవన్‌తో చరణ్‌ వాళ్లకు చెప్పించేవారట. అలా ‘కళ్యాణ్‌ బాబాయ్‌ నాకో సోద‌రుడు, బాబాయ్‌, చిన్న తండ్రి’అంటూ వివరించారు చరణ్‌.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
