Ram Charan Watch: రామ్ చరణ్ వాచ్ ఖరీదు ఎంతో తెలుసా?

September 9, 2021 / 09:47 AM IST

సెలబ్రిటీల లైఫ్ అంటేనే వారి స్థాయికి తగ్గట్టుగా జీవితాన్ని కొనసాగించాల్సి ఉంటుంది. కొందరు వారి స్థాయికి తగ్గట్టుగా ఉండకపోయినా కూడా ఏదో ఒక సందర్భంలో మాత్రం చాలా కాస్ట్లీగా జీవిస్తారు. ఇక వారు ధరించే చెప్పుల నుంచి క్యాప్ వరకు అన్ని కూడా చాలా ఖరీదైనవి ఉంటాయి. ఇక ప్రస్తుతం రామ్ చరణ్ కు సంబంధించిన ఒక వస్తువుపై కూడా సోషల్ మీడియాలో అనేక రకాల కామెంట్స్ అయితే వెలువడుతున్నాయి.

రామ్ చరణ్ బుధవారం తన 15వ సినిమాను హైదరాబాద్ అన్నపూర్ణ స్టూడియోలో వైభవంగా మొదలు పెట్టిన విషయం తెలిసిందే. ఇక ఆ వేడుకలో రామ్ చరణ్ ఖరీదైన వాచ్ ను వేసుకున్నట్లు ఫొటోలు వైరల్ అవుతున్నాయి. ఇక దాని ఖరీదు ఎంత ఉంటుంది అనేది కూడా హాట్ టాపిక్ గా మారింది. ఆ వాచ్ ఖరీదు 117.500 Euro లు ఉంటుందట. అంటే దాదాపు మన కరెన్సీలో 1.02కోట్ల రూపాయలు.

బహుశా ఉపాసన ఆ ఖరీదైన కానుక ఇచ్చి ఉండవచ్చు అనే కామెంట్స్ వస్తున్నాయి. ఇక RC 15 విషయానికి వస్తే దాదాపు 250కోట్ల భారీ బడ్జెట్ తో తెరకెక్కుతున్న ఈ సినిమాను దర్శకుడు శంకర్ వచ్చే ఏడాది నవంబర్ లోపు పూర్తి చేయాలని అనుకుంటున్నాడు. ఇక 2023 జనవరిలో సంక్రాంతి కానుకగా విడుదల చేయాలని మరొక ప్లాన్ అయితే సిద్ధం చేసుకున్నారు. మరి అనుకున్న సమయానికి సినిమాను తెరపైకి తెస్తారో లేదో చూడాలి.