మలయాళంలో సూపర్ హిట్ మూవీ ‘అయ్యప్పనుమ్‌ కోషియమ్’ ను తెలుగులో రీమేక్ చేస్తున్న సంగతి తెలిసిందే. ఈ చిత్రంలో పోలీస్ పాత్రకు పవర్ స్టార్ పవన్ కళ్యాణ్ ఎంపికయ్యారు. మలయాళంలో ఈ పాత్రను బీజు మీనన్ పోషించారు. ఇక పృథ్వీరాజ్‌ పాత్రలో రానా ను ఎంపిక చేసుకున్నట్టు వార్తలు వచ్చాయి. కానీ నిర్మాతలు అధికారికంగా ప్రకటించకపోవడంతో రానా ఈ ప్రాజెక్టు నుండీ తప్పుకున్నాడనే ప్రచారం జరుగుతుంది. నిజానికి ఈ రీమేక్ ఉంటుంది అని వార్తలు మొదలైనప్పుడు…
రానా పేరే మొదట వినిపించింది. కానీ నిర్మాతలు మొదట రానా పేరు కాకుండా పవన్ కళ్యాణ్ పేరునే ఖరారు చేశారు. ఈ విషయం పై రానా నే ప్రశ్నించగా.. ఇలా స్పందించాడు.’ ‘అయ్యప్పనుమ్‌ కోషియమ్’ రీమేక్లో ఓ పాత్ర కోసం దర్శకనిర్మాతలు నన్ను సంప్రదించిన మాట నిజమే. కానీ ఇంకా ఏదీ ఫైనల్ కాలేదు. ఈ చిత్రంలో నటించాలని నాకూ చాలా ఇంట్రెస్టింగ్ గా ఉంది’ అంటూ చెప్పుకొచ్చాడు రానా. అటు అవునని కాకుండా..
ఇటు కాదని కాకుండా చాలా తెలివిగా జవాబిచ్చి తప్పించుకున్నాడు రానా. మరి నిర్మాతలైన ఈ విషయం పై క్లారిటీ ఇస్తారేమో చూడాలి. ‘సితారా ఎంటర్‌టైన్‌మెంట్స్’ బ్యానర్ పై సూర్య దేవర నాగవంశీ నిర్మిస్తున్న ఈ చిత్రానికి సాగర్.కె.చంద్ర దర్శకత్వం వహిస్తున్నాడు.
Most Recommended Video
ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!
