Ranveer, Deepika: దీపికా ఫిర్యాదుపై రణవీర్ రెస్పాన్స్!

September 7, 2021 / 07:35 PM IST

బాలీవుడ్ స్టార్ కపుల్ దీపికా పదుకోన్, రణవీర్ సింగ్ లకు సోషల్ మీడియాలో ఉన్న క్రేజ్ తెలిసిందే. ఈ జంటకి కోట్ల మంది అభిమానులు ఉన్నారు. వీరిద్దరూ కలిసి గతంలో సంజయ్ లీలా భన్సాలీ రూపొందించిన ‘రామ్ లీలా’, ‘బాజీరావ్ మస్తానీ’, ‘పద్మావత్’ వంటి సినిమాల్లో కలిసి నటించారు. చాలా ఏళ్లపాటు ప్రేమించుకున్న ఈ జంట 2018లో వివాహ బంధంతో ఒక్కటయ్యారు. పెళ్లి తరువాత ఈ జంట బిజీ అయ్యారు.

రణవీర్ ప్రస్తుతం వరుస సినిమాలతో బిజీగా ఉండగా.. దీపికా బాలీవుడ్ సినిమాలతో పాటు ఈ మధ్యే ఓ హాలీవుడ్ సినిమాకు కూడా ఓకే చెప్పింది. అయితే తాజాగా తన భర్తపై దీపికా ఏకంగా అమితాబ్ బచ్చన్ కు ఫిర్యాదు చేసింది. వినాయకచవితి సందర్భంగా అమితాబ్ హోస్ట్ గా వ్యవహరిస్తున్న ‘కౌన్ బనేగా కరోడ్ పతి’ షోకి దర్శకురాలు ఫరా ఖాన్ తో కలిసి దీపికా గెస్ట్ గా వచ్చింది. ఈ సందర్భంగా దీపికా తన భర్త తనకు వంట చేసి తినిపిస్తానని హామీ ఇచ్చాడు అని..

అయితే ఇప్పటివరకు అది జరగలేదని కంప్లైంట్ చేసింది. వెంటనే అమితాబ్.. రణవీర్ కి కాల్ చేశారు. విషయం మొత్తం విన్న రణవీర్.. తన ఒళ్లో కూర్చోబెట్టుకొని ఆమ్లెట్ తినిపిస్తానని హామీ ఇచ్చాడు. అది విన్న ఫరా ఖాన్.. ‘ఆమ్లెట్ తినిపించమన్నారు.. ఒడిలో కూర్చోబెట్టుకోమనలేదు’ అంటూ సెటైర్ వేశారు. ప్రస్తుతం ఈ ప్రోమో సోషల్ మీడియాలో వైరల్ అవుతోంది.