మాస్ మహా రాజ్.. అలా కూడా జాగ్రత్త పడుతున్నాడుగా..!

April 2, 2020 / 06:47 PM IST

మాస్ మహా రాజ్ రవితేజ వరుస ప్లాపుల్లో ఉన్నప్పుడు ‘బలుపు’ చిత్రంతో బ్లాక్ బస్టర్ ఇచ్చి ఆదుకున్నాడు దర్శకుడు గోపీచంద్ మలినేని. అంతకు ముందు వీరి కాంబినేషన్లో వచ్చిన ‘డాన్ శీను’ కూడా కమర్షియల్ హిట్ అయ్యింది. గోపీచంద్ మలినేని ని దర్శకుడిగా పరిచయం చేసిందే రవితేజ కాబట్టి… ఈయన తో ఎప్పుడు సినిమా చేసినా అదిరిపోయే హిట్ అయ్యే కథ అయితేనే చేస్తాను అని గోపి గతంలో తెలిపాడు.

‘బలుపు’ తరువాత రవితేజ-గోపీచంద్ మలినేని కాంబినేషన్ లో సినిమా రాలేదు. సుమారు 7 ఏళ్ళ గ్యాప్ తర్వాత వీరి కాంబినేషన్ లో ఇప్పుడు ‘క్రాక్’ సినిమా వస్తోంది. శృతీ హాసన్ హీరోయిన్ గా నటిస్తున్న ఈ చిత్రం టీజర్ శివరాత్రి కానుకగా విడుదల చేసారు. దానికి మంచి రెస్పాన్స్ వచ్చింది. ఈ చిత్రంలో ఫ్యామిలీ ఎలెమెంట్స్ కూడా బాగున్నాయి అని వార్తలు వచ్చాయి.

Ravi Teja taking more care on Krack Movie1

ఈరోజు శ్రీరామనవమి కానుకగా విడుదల చేసిన పోస్టర్ చూస్తుంటే అది నిజమే అనిపిస్తుంది. అసలే 4 డిజాస్టర్ లతో వెనుకపడ్డ రవితేజ … ఇప్పుడు హిట్ కొట్టాలి అంటే ఫ్యామిలీ ఆడియన్స్ కూడా థియేటర్లకి రావాలి. అందుకే ఈ చిత్రంలో సెన్సిబుల్ ఫ్యామిలీ ఎలిమెంట్స్ కూడా మిక్స్ చేసినట్టు తెలుస్తుంది. ‘డిస్కో రాజా’ చిత్రం ప్లాప్ అయినా రవితేజ మార్కెట్ ఏమాత్రం తగ్గలేదని ‘క్రాక్’ ప్రీ రిలీజ్ బిజినెస్ బట్టి చెప్పొచ్చు. ఇప్పటికే 21 కోట్ల వరకూ థియేట్రికల్ బిజినెస్ జరిగినట్టు సమాచారం.