మలయాళ నటి భావనపై జరిగిన అత్యాచార యత్నంపై మల్లూవుడ్ సినీ స్టార్లు మూకుమ్మడిగా క్రూరులను శిక్షించాలని పట్టుబడుతున్నారు. మళయాళంతో పాటు భావన ఒంటరి, హీరో, మహాత్మా, నిప్పు సినిమాల్లో నటించింది. ఆ విధంగా తెలుగు పరిశ్రమ వారికి కూడా ఆమె పరిచయమే. ఆమెపై దాడి జరిగిన విషయం తెలుసుకున్న వెంటనే సమంత, రాయ్ లక్ష్మి వంటి తారలు ఆగ్రహాన్ని వ్యక్తం చేశారు. ఎవరిని నమ్మాలో తెలియక, ఎప్పుడు ఏమి జరుగుతోందోనని భయపడుతూ బతకాల్సిందేనా? అంటూ ఆవేదన వ్యక్తం చేశారు. భావన దుండగుల నుంచి సురక్షితంగా బయటపడినందుకు ఊపిరి పీల్చుకున్నారు.
బాలీవుడ్ నటీనటులు కూడా నటికి అండగా నిలిచారు. ఈ ఘటనపై తాజాగా మాస్ మహారాజ్ రవితేజ స్పందించారు. “ఇటువంటి ఘటనపై ఎలా స్పందించాలో తెలియక కోపం వస్తోంది. మహిళపై రేప్ చేయడానికి ప్రయత్నించిన వారిని జైలు కి పంపించినా తక్కువే అవుతుంది” అంటూ ట్వీట్ చేశారు. భావనను కిడ్నాప్ చేసి, ఆమెతో అసభ్యకరంగా ప్రవర్తించిన ఆరుమందిని పోలీసులు పట్టుకొని విచారిస్తున్నారు.
Also, do SUBSCRIBE to our YouTube channel to get latest Tollywood updates.
