సీనియర్ హీరోయిన్, పవర్ స్టార్ పవన్ కల్యాణ్ మాజీ భార్య రేణు దేశాయ్ ఇప్పటి వరకూ ఆమెను విసిగించిన పవన్ అభిమానుల పైన అలాగే కొందరు నెటిజెన్ల పైన మండి పడిన సందర్భాన్ని మనం చూస్తూనే వచ్చాము. అయితే తాజాగా ఆమె… ఓ మీడియా వ్యవహారశైలి పై తీవ్రంగా మండిపడింది. ఈ విషయం సొషల్ మీడియాలో సంచలనం సృష్టిస్తుంది. రేణు కి మద్దతుగా ఆ మీడియా పై కొందరు నెటిజన్లు మండిపడుతూ కామెంట్లు పెడుతున్నారు.
అసలు విషయం ఏమిటంటే… రేణు ఇటీవల తన ఇద్దరు పిల్లలతో కలిసి శ్రీనగర్, జమ్మూ వంటి పలు ప్రాంతాల్లో పర్యటించింది. ఈ వార్తను ఓ వైబ్ సైట్ కవర్ చేసింది. రేణు తన పిల్లలతో కలిసి ఉన్న ఫోటోలను… ఆ వెబ్ సైట్ కు సంబందించిన సోషల్ మీడియాలో పోస్ట్ చేస్తూ… ‘పవన్ కల్యాణ్ పిల్లలతో ఆయన మాజీ భార్య రేణుదేశాయ్’ అంటూ టైటిల్ పెట్టాడు. సరిగ్గా ఇక్కడే రేణు కి చాలా కోపం వచ్చినట్టుంది. ఆ పిల్లలకి తల్లి రేణు అన్న సంగతి అందరికీ తెలిసిందే. కానీ ఆ వెబ్ సైట్ తో ఇలా పోస్ట్ చేయడం పై రేణు తీవ్ర ఆగ్రహం వ్యక్తం చేసింది. ‘ఇప్పుడే ఎవరో నాకు ఇది పంపించారు. ఈ ఆర్టికల్ రాసిన వ్యక్తి ఓ తల్లికే పుట్టి ఉంటాడు. ఒక తల్లిని ఇలా బాధ పెట్టకూడదు ఎప్పుడూ…!’ అంటూ తన సోషల్ మీడియాలో తన ఆగ్రహాన్ని వ్యక్తం చేసింది.
