వైరల్ గా మారిన రేణు దేశాయ్ స్పీచ్..!

పవర్ స్టార్ పవన్ కళ్యాణ్ మాజీ భార్య రేణూ దేశాయ్.. ఆయనతో విడాకులు తీసుకున్నాక కొన్నాళ్ళు పూణెలో ఉంటూ వచ్చింది. అటు తరువాత హైదరాబాద్ కు వచ్చి కొన్ని డ్యాన్స్ షోలకు జడ్జిగా వ్యవహరిస్తూ వస్తున్న సంగతి తెలిసిందే. తన ఇద్దరి పిల్లలతో తీసుకున్న ఫోటోలను కూడా సోషల్ మీడియాలో షేర్ చేస్తూ అభిమానులని ఖుషీ చేస్తుంటుంది. అప్పుడప్పుడు నెటిజన్లు.. విసిగించే ప్రశ్నలు అడిగినా ఓపిగ్గానే సమాధానం చెబుతుంది. ఇది పక్కన పెడితే.. తాజాగా ఈమె .. ప్రముఖ నిర్మాత రాజ్ కందుకూరి తనయుడు శివ కందుకూరి ‘చూసి చూడంగానే’ చిత్రం ప్రీ రిలీజ్ వేడుకను అతిథిగా హాజరయ్యింది.

ఈ వేడుకలో ఈమె మాట్లాడుతూ.. “ఈ చిత్రంలోని ఓ పాటను నాతో విడుదల చేయించినందుకు చాలా సంతోషంగా ఉంది. నాకు ఎంతో ఇష్టమైన అనంత్ శ్రీరామ్, చిన్మయి ఈ పాటకు వర్క్ చేశారు… అలాగే రాజ్ కందుకూరి గారు సినిమాను నిర్మించారు. మున్ముందు అన్ని చిత్ర పరిశ్రమల్లో మహిళా దర్శకులు, టెక్నీషియన్లు రావాలి. వారికి సినిమా పరిశ్రమలో ఎలాంటి చేదు అనుభవాలు ఎదురుకాకుండా చూసుకోవాలి. ఏ ఫీమేల్ టెక్నీషియన్ అయినా రాజ్ కందుకూరితో కలిసి పనిచేస్తే ఆమె చాలా సేఫ్‌గా ఉంటారు అని నేను గర్వంగా చెప్పగలను. చూసి చూడంగానే’ సినిమాలో రాజు గారు నాకు తల్లి పాత్రలో నటించే అవకాశం ఇచ్చారు. కానీ ఆ సమయంలో నాకు ఒంట్లో బాగోలేదు. దాంతో సినిమా చేయలేకపోయాను. అసలు నేను పాత్ర ఏంటి అని కూడా అడగలేదు. రాజు గారు నిర్మాత అనగానే ఓకే చెప్పేద్దామని అనుకున్నాను. ఆయనతో ఉన్నప్పుడు నేను సేఫ్‌గా ఉంటాను. అలాంటి నిర్మాతలు మన ఇండస్ట్రీకి కావాలి. ఈ సినిమా మంచి హిట్ అవుతుందని.. నేను కచ్చితంగా చెప్పగలను. టీం అందరికీ ఆల్ ది బెస్ట్’ అంటూ చెప్పుకొచ్చింది.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!