కాబోయే భర్త మెసేజ్ లను వారు చదవనివ్వడం లేదు – రేణు దేశాయ్

పవన్ కళ్యాణ్ నుంచి విడాకులు తీసుకున్న తర్వాత ఆ బాధ నుంచి తేరుకోవడానికి రేణు దేశాయ్ కి ఎక్కువకాలమే పట్టింది. కొన్నిరోజుల క్రితం తన మనసు అర్ధం చేసుకున్న వ్యక్తి దొరకడంతో అతనితో చెట్టాపట్టాలేసుకొని తిరుగుతోంది. త్వరలోనే ఓ మంచి ముహూర్తాన అతని అర్ధాంగి కాబోతోంది. ఆ విషయాన్నీ ఇండైరెక్ట్ గా అనేక సార్లు చెప్పింది. రీసెంట్ గా అతని చేయి పట్టుకొని ఉన్న ఫోటోని కూడా షేర్ చేసుకుంది. ఇప్పుడు వారిద్దరి మధ్య బంధం బలపడింది. ఒకరి విడిచి మరొకరు ఉండలేకపోతున్నారు. ప్రస్తుతం రేణు దేశాయ్ తన పిల్లలు, ఫ్రెండ్స్ తో గోవా వెళ్ళింది. అక్కడే అందాలను చూస్తూ విహరిస్తున్నారు.

ఈ సమయంలో రేణు బాయ్ ఫ్రెండ్ మెసేజ్ లు చేస్తున్నారు. ఆ మెసేజ్ లను చదవడానికి, రిప్లయ్ ఇవ్వడానికి కూడా స్నేహితులు ప్రైవసీ ఇవ్వడం లేదంట. ఈ విషయాన్నీ సోషల్ మీడియాలో వెల్లడించింది. స్విమ్‌ డ్రెస్‌లో ఫోన్‌ చూస్తున్నప్పుడు తీసిన ఫొటోను రేణూ పోస్ట్‌ చేస్తూ.. ఈ ఫొటోను తన స్నేహితులు తీశారని చెప్పింది. అయితే ఆ సమయంలో తాను తనకు కాబోయే భర్త చేసే మెసేజ్‌లను చదువుతున్నానని, కానీ తన స్నేహితులు ఫొటోలు తీస్తూ తనకు ప్రైవసీ ఇవ్వడంలేదని వెల్లడించింది. దీన్ని బట్టి చూస్తే రేణూ త్వరలోనే శుభవార్త చెప్పేటట్టు ఉంది. అయితే ఈ ఫోటోకి నెగటివ్ కామెంట్స్ ఎక్కువగా రావడంతో డిలీట్ చేసింది.