దర్శకధీరుడు రాజమౌళి తండ్రి విజయేంద్ర ప్రసాద్ స్టార్ రైటర్ గా తన హవాను కొనసాగించడంతో పాటు భారీ మొత్తంలో పారితోషికం తీసుకుంటున్నారు. కొన్ని నెలల క్రితం వరకు క్లీన్ షేవ్ తో కనిపించిన విజయేంద్ర ప్రసాద్ ఈ మధ్య కాలంలో గడ్డంతో కనిపిస్తున్నారు. గతంలో రాజమౌళి కూడా ఎక్కువగా గడ్డంతో కనిపించిన సంగతి తెలిసిందే. అయితే విజయేంద్ర ప్రసాద్ గడ్డం పెంచడం వెనుక అసలు కారణం ఎవరికీ తెలీదు.
తాజాగా కనపడుట లేదు సినిమా ఈవెంట్ కు రామ్ గోపాల్ వర్మతో పాటు విజయేంద్ర ప్రసాద్ హాజరయ్యారు. వర్మ మాట్లాడుతూ తాను లైఫ్ లో ఎప్పుడూ నమస్కారం పెట్టలేదని అందువల్ల పెద్దలకు నమస్కారం చెప్పట్లేదని అన్నారు. గత కొన్ని వారాలుగా తాను విజయేంద్ర ప్రసాద్ గడ్డాన్ని గమనిస్తున్నానని విజయేంద్ర ప్రసాద్ గడ్డానికి స్పూర్తి మోదీనా..? లేక రామాయణంను మించిన బాహుబలి కథ ఇచ్చారు కాబట్టి వాల్మీకి కంటే గడ్డం పెద్దగా ఉండాలని అనుకుంటున్నారా..? అని వర్మ ప్రశ్నించారు.
కొడుకు రాజమౌళికే పెద్ద గడ్డం ఉంటే తనకు ఎంత ఉండాలని విజయేంద్ర ప్రసాద్ అనుకుంటున్నారని తన గెస్సింగ్ అని వర్మ కామెంట్లు చేశారు. వర్మ మాటలకు ఈవెంట్ కు హాజరైన వాళ్లు విజిల్స్ వేయగా విజయేంద్ర ప్రసాద్ ఆర్జీవీకి నమస్కారం పెట్టడంతో పాటు నవ్వారు. ఆ తర్వాత విజయేంద్ర ప్రసాద్ మాట్లాడుతూ 32 ఏళ్ల క్రితం ఇండస్ట్రీకి వచ్చిన యువకెరటం తనకు కనిపించడం లేదని జామురాతిరి జాబిలమ్మ పాటతో కుర్రకారుకు పిచ్చెక్కించిన వర్మ తనకు కనిపించడం లేదని విజయేంద్ర ప్రసాద్ అన్నారు. అలాంటి వర్మను త్వరలో చూడాలనుకుంటున్నానని విజయేంద్ర ప్రసాద్ చెప్పుకొచ్చారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
