ఆర్ ఆర్ ఆర్ హీరోలందరూ ఓ చోట చేరారు. రామ్ చరణ్, ఎన్టీఆర్, అజయ్ దేవగణ్ మరియు డైరెక్టర్ రాజమౌళి కలిసి వున్న ఆ ఫోటో ఆసక్తిరేపుతుంది. ఆర్ ఆర్ ఆర్ తాజా షెడ్యూల్ ఇటీవల మొదలైన సంగతి తెలిసిందే. వైజాగ్ షెడ్యూల్ అనంతరం రాజమౌళి కొద్ది రోజుల క్రితం హైదరాబాద్ పరిసర ప్రాంతాల్లోని అడవులలో మొదలు పెట్టడం జరిగింది. కీలకమైన కొన్ని సన్నివేశాలతో పాటు ఓ యాక్షన్ సీక్వెన్స్ కూడా తెరకెక్కించనున్నాడని సమాచారం. కాగా ఆర్ ఆర్ ఆర్ చిత్రంలో బాలీవుడ్ సీనియర్ యాక్టర్ అజయ్ దేవగణ్ నటిస్తున్న సంగతి తెలిసిందే.
తాజా షెడ్యూల్ నందు ఆయన కూడా పాల్గొంటున్నారు. యంగ్ టైగర్ ఎన్టీఆర్ ట్విట్టర్ వేదికగా ఆయనతో పాటు ఆర్ ఆర్ ఆర్ టీమ్ తో కలిసి దిగిన ఫోటోలు పంచుకోవడంతో పాటు, ఆర్ ఆర్ ఆర్ ప్రపంచానికి ఆహ్వానిస్తున్నందుకు ఆనందంగా ఉంది అని కామెంట్ పెట్టారు. ఆర్ ఆర్ ఆర్ లో ఓ కీలకమైన రోల్ చేస్తున్న అజయ్ దేవగణ్ పాత్ర ఏమిటనేది సస్పెన్సు గా ఉంది. ఇక ఆర్ ఆర్ ఆర్ గురించి తెలుస్తున్న వార్తలు, లీకవుతున్న విషయాలు సినిమాపై అంచనాలు పెంచేస్తున్నాయి. అలియా భట్, ఒలీవియా మోరిస్ హీరోయిన్స్ గా నటిస్తున్న ఈ చిత్రాన్ని డి వి వి దానయ్య నిర్మిస్తూ ఉండగా, కీరవాణి సంగీతం అందిస్తున్నారు. ఈ ఏడాది జులై 30న విడుదల కానుంది.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
