సాహోలో హీరోయిన్ ఫిక్స్ అయ్యారా? లేదా ?

బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సాహో ఒక సీన్ కంప్లీట్ అయింది. టీజర్ కోసం ప్రభాస్ షూటింగ్ లో పాల్గొన్నారు. ఆ తర్వాత సిటీ సెంట్రల్ లైబ్రరీలో బాలీవుడ్ నటుడు నీల్ నితిన్ ముఖేష్ పై కొన్ని షాట్స్ తెరకెక్కించారు. త్వరలో ముంబై లో రెగ్యులర్ షూటింగ్ మొదలు కానుంది. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ మూవీ లో హీరోయిన్ ఎవరనేది ? ఆసక్తికరంగా మారింది. మొదట్లో  కన్నడ బ్యూటీ రష్మిక మందనా నటిస్తున్నట్లు  వార్తలు వచ్చాయి. తర్వాత బాలీవుడ్ హీరోయిన్స్ దీపికా పదుకునే, పరిణీతి చోప్రా పేర్లు ప్రచారంలోకి వచ్చాయి.

తాజాగా శ్రద్ధ కపూర్, అనుష్క, పూజా హెగ్డే పేర్లు వినిపిస్తున్నాయి. అనుష్క ఇప్పటికే మూడు సినిమాల్లో జంటగా నటించింది. అందుకే వారిద్దరి మధ్య ఏదో ఉందని పుకార్లు షికార్లు చేస్తున్నాయి. దీంతో మళ్లీ జత కట్టాలంటే వారు భయపడుతున్నారు. శ్రద్ధ కపూర్, పూజా హెగ్డే లలో ఒకరిని ఫిక్స్ చేసినట్లు తెలిసింది. అయితే అధికారిక ప్రకటన రాకపోవడంతో అభిమానులు నిరాశతో ఉన్నారు. ఇంతకీ హీరోయిన్ ఎంపిక పూర్తి అయిందా? లేదా? అని ఆరాతీస్తున్నారు. ఈ ప్రశ్నలన్నింటికీ చిత్ర బృందం త్వరలోనే సమాధానం చెప్పనుంది.

Also, do SUBSCRIBE to our YouTube channel to get latest Tollywood updates.