వరుస విజయాలతో మంచి ఫామ్ లో ఉన్న హీరోలు గ్యాప్ లేకుండా సినిమాలు చేయడం అనేది మనం రెగ్యులర్ గా చూస్తుంటాం. కానీ.. వరుసబెట్టి నాలుగు డిజాస్టర్లు కృంగదీస్తున్నా కూడా వాటి రిజల్ట్స్ ఎఫెక్ట్ ను ఏమాత్రం తన కెరీర్ మీద పడనివ్వకుండా వరుస సినిమాలు చేస్తూ దూసుకుపోతున్నాడు సుప్రీం స్టార్ సాయిధరమ్ తేజ్. “తిక్క, విన్నర్, నక్షత్రం, జవాన్, ఇంటిలిజెంట్” చిత్రాలు వరుసబెట్టి డిజాస్టర్లుగా నిలవడంతో సాయిధరమ్ తేజ్ కాస్త ఢీలాపడతాడేమో అనుకొన్నారందరూ. కానీ.. స్పీడ్ అనేది ఏమాత్రం తగ్గించకుండా కరుణాకరణ్ మూవీ ఫినిష్ చేయడం మాత్రమే కాకుండా ఆ సినిమా రిలీజ్ డేట్ ను కూడా ప్రకటించాడు.
షూటింగ్ పూర్తి చేసుకొన్న “తేజ్ ఐ లవ్ యూ” జూన్ 29న విడుదలకానుంది. కరుణాకరణ్ దర్శకత్వంలో తెరకెక్కిన ఈ చిత్రంలో సాయిధరమ్ తేజ్ సరసన అనుపమ పరమేశ్వరన్ కథానాయికగా నటిస్తుండగా.. ప్యూర్ లవ్ స్టోరీగా ఈ చిత్రం తెరకెక్కిందని, తేజ్ కెరీర్ లో ఓ మైలురాయిగా నిలుస్తుందని చెప్పుకొంటున్నారు. ఇకపోతే.. తేజ్ బాబు స్పీడ్ గురించి చెప్పాలంటే మనోడు కరుణాకరణ్ సినిమా పూర్తవ్వకముందే.. కిషోర్ తిరుమల ప్రొజెక్ట్ మొదలెట్టాడు. ఈ సినిమా షూటింగ్ త్వరలో మొదలవ్వనుందని తెలుస్తోంది. చూస్తుంటే తేజ్ బాబు మరో సినిమా ఈ ఏడాది చివర్లో విడుదలయ్యేలా ఉంది. ఇదే స్పీడ్ తో ఏడాదికి 3 సినిమాలు రిలీజ్ చేస్తూ దూసుకుపోయాడంటే.. అతిత్వరలో 50 సినిమాల మార్క్ ను పూర్తి చేసేలా ఉన్నాడు.
