ఓ అరడజను ప్లాపుల తరువాత.. ‘చిత్రలహరి’ తో హిట్టందుకుని ఊపిరి పీల్చుకున్నాడు తేజు. మొదట్లో తేజు కొట్టిన హిట్లతో పోలిస్తే.. ‘చిత్రలహరి’ ఆ రేంజ్ హిట్ కాదనే చెప్పాలి. ఏప్రిల్ 12న ఈ చిత్రం విడుదలయ్యింది. సరిగ్గా వారం రోజుల ముందు అంటే.. ఏప్రిల్ 5న నాగ చైతన్య హీరోగా వచ్చిన ‘మజిలీ’ చిత్రం విడుదలయ్యింది. ఈ చిత్రం పెద్ద బ్లాక్ బస్టర్ అవ్వడంతో 2 వారం కూడా గట్టిగా హోల్డ్ చేసిందనే చెప్పాలి. దీంతో ‘చిత్రలహరి’ సినిమాకి అంతంత మాత్రమే కలెక్షన్లు వచ్చినట్టు అప్పట్లో ట్రేడ్ పండితులు క్లారిటీ ఇచ్చారు.
ఇప్పుడు మళ్ళీ అదే సీన్ రిపీట్ అవ్వబోతుందా.. అనే అనుమానాలు కూడా వ్యక్తమవుతున్నాయి. ఈసారి కూడా నాగచైతన్య సినిమా ఓ వారం ముందు వస్తుంది. అసలు విషయం ఏమిటంటే.. నాగ చైతన్య తన మేనమామ వెంకటేష్ తో కలిసి నటించిన మల్టీ స్టారర్ చిత్రం ‘వెంకీ మామ’ డిసెంబర్ 13న విడుదల కాబోతుంది. ఈ చిత్రం పై భారీ అంచనాలు ఏర్పడ్డాయి. ఇక సరిగ్గా వారం రోజుల తర్వాత అంటే డిసెంబర్ 20 న తేజు ‘ప్రతీరోజు పండగే’ సినిమా వస్తుంది. ‘వెంకీమామ’ చిత్రానికి బ్లాక్ బస్టర్ టాక్ వస్తే.. ‘ప్రతీరోజు పండగే’ సినిమా కలెక్షన్ల పై ఎఫెక్ట్ పడే అవకాశం కూడా ఉంది. మరి ఈసారి రిజల్ట్ ఎలా ఉండబోతుందో చూడాలి.
అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!
