మెగా హీరో సాయి ధరమ్ తేజ్ లుక్ అదిరిపోయింది. అతను తాజాగా నటించిన తిక్క చిత్రం లో అనుకుంటే పొరపాటు. వరుస విజయాలతో దూసుకు పోతున్న ఈ యువ హీరో క్రియేటివ్ డైరక్టర్ కృష్ణ వంశీ తెరకెక్కిస్తున్న‘నక్షత్రం’ లో కీలక రోల్ పోషిస్తున్నాడు. సందీప్ కిషన్, రెజీనా హీరో హీరోయిన్లుగా నటిస్తున్న ఈ చిత్రంలో సాయి పోలీస్ ఆఫీసర్ పాత్రలో కనిపించనున్నాడు. కృష్ణ వంశీ పోలీస్ పాత్రలను పవర్ ఫుల్ గా డిజైన్ చేస్తారు.
సింధూరం సినిమాలో బ్రహ్మాజీ, సముద్రం సినిమాలో ప్రకాష్ రాజ్, ఖడ్గం సినిమాలో శ్రీకాంత్ పాత్రలు అందరికి గుర్తుండి పోయాయి. అదే తరహాలో సాయి ధరమ్ తేజ్ క్యారక్టర్ ఉంటుందని ఆయన ఫోటోలు చెబుతున్నాయి. మెగా హీరో ట్విట్టర్ లో “కృష్ణ వంశీ మ్యాజిక్ త్వరలోనే రివీల్ అవుతుంది. ఆయన దర్శకత్వంలో నటించడానికి చాలా ఉత్సాహంగా ఉన్నాను” అని శుక్రవారం ట్వీట్ చేశారు. తన ఫోటోలను ఎడిట్ చేసి పోస్ట్ చేశారు. ఈ ఫోటోలను చూస్తుంటే ఖాకీ చొక్కాలో పవర్ స్టార్ పవన్ కళ్యాణ్ హంగామా సృష్టించిన గబ్బర్ సింగ్ సినిమా గుర్తుకు వస్తోంది. మెగా అభిమానాలను నక్షత్రం మంచి విందు భోజనం కానున్నట్లు తెలుస్తోంది.
KV Garus Magic is going to be unveiled soon #Nakshatram. Can’t wait for shoot😊 pic.twitter.com/16ZmaghneJ
— Sai Dharam Tej (@IamSaiDharamTej) August 12, 2016
