Sai Kiran, Laya: ఆ ఒక్క కారణంతోనే లయ సాయికిరణ్ పెళ్లి ఆగిపోయిందా?

November 25, 2023 / 02:08 PM IST

రా చిలక నువ్వే కావాలి అనే ఒక్క పాటతో ఎంతో ఫేమస్ అయినటువంటి నటుడు సాయికిరణ్ అనంతరం హీరోగా ఎన్నో సినిమాలలో నటించి తెలుగు ప్రేక్షకులను మెప్పించారు. ఇలా నటుడిగా ఇండస్ట్రీలో ఎంతో మంచి సక్సెస్ అందుకున్నటువంటి సాయికిరణ్ ప్రస్తుతం బుల్లితెర సీరియల్స్ లో నటిస్తున్న సంగతి తెలిసిందే. గుప్పెడంత మనసు సీరియల్ లో మహేంద్ర పాత్రలో నటించిన ప్రేక్షకులను మెప్పిస్తున్నారు. ఇలా ఒకప్పుడు హీరోగా ఎంతో మంచి సినిమాలలో నటించి సక్సెస్ అయినటువంటి ఈయన బుల్లితెర నటుడిగా కూడా ప్రేక్షకులను సందడి చేస్తున్నారు.

తాజాగా ఒక ఇంటర్వ్యూలో పాల్గొన్నటువంటి సాయి కిరణ్ తన పెళ్లి గురించి పలు విషయాలను వెల్లడించారు. హీరోయిన్ లయతో కలిసి ప్రేమించు అనే సినిమాలో నటించిన సంగతి తెలిసిందే. ఈ సినిమాలో వీరిద్దరి నటనకు వీరి జోడికి ఎంతోమంది అభిమానులుగా మారిపోయారు. అంతేకాకుండా వీరిద్దరి మధ్య ఏదో ఉంది అంటూ వార్తలు కూడా వచ్చాయి. లయ సాయికిరణ్ ఇద్దరు ప్రేమలో ఉన్నారని పెళ్లి కూడా చేసుకోబోతున్నారు అంటూ వార్తలు వచ్చాయి.

అయితే ఈ వార్తలపై తాజాగా సాయికిరణ్ స్పందించి క్లారిటీ ఇచ్చారు. తాను ఇద్దరు కలిసి ప్రేమించు సినిమాలో నటించామని ఈ సినిమా ఎంతో మంచి సక్సెస్ అయ్యిందని తెలిపారు. మా ఇద్దరిని అలా స్క్రీన్ పై చూసేసరికి మా ఫ్యామిలీ మెంబర్స్ రియల్ లైఫ్ లో కూడా ఒకటైతే బాగుంటుందని భావించారు ఈ విధంగా మా కుటుంబ సభ్యులు ఇద్దరు కూడా పెళ్లి చేయాలనుకోవడంతో అందుకు మేము కూడా చేసుకోవాలనుకున్నాము కానీ మా ఇద్దరి జాతకాలు కలవకపోవడంతోనే మా పెళ్లి జరగలేదని సాయికిరణ్ తెలిపారు.

నేను జాతకాలను బాగా నమ్ముతాను అందుకే జాతకాలు కలవకపోవడంతోనే పెళ్లి చేసుకోలేదని ఈయన తెలిపారు. ఇలా లయతో పెళ్లి గురించి (Sai Kiran) సాయికిరణ్ చేసినటువంటి కామెంట్స్ ప్రస్తుతం వైరల్ అవుతున్నాయి.