సౌత్ ఇండియన్ స్టార్ హీరోయిన్ సాయి పల్లవి గురించి ప్రత్యేకంగా పరిచయం చేయాల్సిన అవసరం లేదు. మొదట ప్రేమమ్ అనే తమిళ సినిమా ద్వార ఇండస్ట్రీలో అడుగు పెట్టిన సాయి పల్లవి ఫిదా సినిమా ద్వారా టాలీవుడ్ ప్రేక్షకులకు పరిచయం అయింది. శేఖర్ కమలా దర్శకత్వం వహించిన ఈ సినిమాలో వరుణ్ తేజ్ కి జోడిగా పక్కా తెలంగాణ అమ్మాయి లాగా తన అందం, అభినయం తో ఫిదా చేసింది. గ్లామర్ పాత్రలకు దూరంగా ఉంటూ నటనకు ప్రాధాన్యత ఉన్న పాత్రలలో నటిస్తూ అతి తక్కువ కాలంలోనే స్టార్ హీరోయిన్ గా గుర్తింపు పొందింది.
దీంతో ఆమె అభిమానులు ఆమెను లేడీ పవర్ స్టార్ గా బిరుదిచ్చారు. ఇటీవల విరాటపర్వం సినిమాలో వెన్నెల పాత్రలో నటించిన సాయి పల్లవి మరొకసారి తన నటనతో ప్రేక్షకులను ఆకట్టుకుంది. అయితే ఈ సినిమా ప్రమోషన్స్ లో సాయి చేసిన వ్యాఖ్యలు వివాదాస్పదంగా మారాయి. ఈ విషయంలో కొందరు రాజకీయ నాయకులు సాయి పల్లవి మీద సంచలన వ్యాఖ్యలు చేశారు. అంతే కాకుండా సాయి పల్లవి మీద కేసు కూడా నమోదు చేశారు.
అయితే ఆ విషయంపై సాయి పల్లవి క్లారిటీ ఇచ్చింది. ఇదిలా ఉండగా ఈ సినిమా తర్వాత సాయి పల్లవి గార్గి సినిమాలో నటించింది. ఈ సినిమా ఎటువంటి అంచనాల లేకుండా విడుదలై మంచి పాజిటివ్ టాక్ సొంతం చేసుకుంది. సాయి పల్లవి నటించిన గార్గి సినిమా జూలై 15న విడుదలైంది. తెలుగు తమిళ భాషలలో విడుదలైన ఈ సినిమా కి ప్రేక్షకుల నుండి మంచి స్పందన వస్తోంది. ఈ క్రమంలోనే సాయి పల్లవి చెన్నై, హైదరాబాద్ లలోని పలు థియేటర్లను సందర్శించారు.
సినిమా పూర్తయ్యే సమయానికి థియేటర్ లోపలికి వెళ్లి ప్రేక్షకులను సర్ ప్రైజ్ చేశారు. పల్లవి సడెన్ ఎంట్రీ ప్రేక్షకులు షాక్ అవ్వడమే కాకుండా.. ఎంతో సంతోషించారు. ఇటీవల సాయి పల్లవి హైదరాబాద్లోనే ఒక థియేటర్లో ఇలా సడన్ ఎంట్రీ ఇవ్వడంతో ప్రేక్షకులు ఆమె నటనకు ప్రశంసలు కురిపించారు. ఈ క్రమంలో సాయి పల్లవి అభిమానులతో ఫోటోలు దిగింది. ఇందుకు సంబంధించిన వీడియో సోషల్ మీడియాలో తెగ వైరల్ అవుతుంది.గతంలో కూడా సాయి పల్లవి శ్యామ్ సింగారాయ్ సినిమా చూడటానికి భూర్ఖా వేడుకొని థియేటర్ కి వెళ్ళింది.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
