హీరో కెరీర్‌లో 75వ సినిమా అంటే… మైల్‌ స్టోన్‌. అలాంటి మైలు రాయికి ముందు ఉన్నారు విక్టరీ వెంకటేశ్‌. ఆయన కెరీర్‌లో కీలకమై 75వ సినిమా ‘సైంధవ్‌’. సంక్రాంతికి విడుదలవుతున్న ఈ సినిమా ప్రచారం ఇప్పటికే మొదలైంది. అయితే ప్రీ రిలీజ్‌ ఈవెంట్‌తో దాన్ని మరింత భారీ స్థాయికి తీసుకెళ్లాలని టీమ్‌ అనుకుంటోంది. ఈ మేరకు భారీ ఈవెంట్‌ను నిర్వహించాలని ప్లాన్‌ చేస్తున్నారట. దీని కోసం ఈ నెల 27వ తేదీని ఓకే చేశారు అని చెబుతున్నారు.
శైలేష్‌ కొలను దర్శకత్వంలో వెంకటేశ్‌ నటించిన చిత్రం (Saindhav) ‘సైంధవ్‌’. ఓ పాపకు వచ్చిన మెడికల్‌ ఎమర్జెన్సీ నేపథ్యంలో ఈ సినిమా సాగుతుంది అని సమాచారం. వెంకటేశ్‌ నుండి ఇటీవల కాలంలో ఇలాంటి కథ రాలేదు. వరుసగా ఫ్యామిలీ స్టోరీలు చేస్తూ వచ్చిన వెంకీ… ఈ సినిమా ఓకే చేయడంతో ఇందులో ఏదో మ్యాజిక్‌ ఉంది అని చెబుతున్నారు. ఈ నేపథ్యంలో సినిమా ప్రచారాన్ని భారీగా చేసి సంక్రాంతి రేసులో తన సత్తా చూపించాలని వెంకీ అనుకుంటున్నారట.
అలాగే 75వ సినిమా కావడంతో ఆ మైల్‌ స్టోన్‌ను సంబరంలా చేయాలని వెంకీ కుటుంబం అనుకుంటోందట. ఈ మేరకు హైదరాబాద్ JRC కన్వెషన్ సెంటర్ లో అంగరంగ వైభవంగా ప్రీ రిలీజ్‌ కమ్‌ 75వ మైల్‌స్టోన్‌ సినిమా వేడుకలు నిర్వహిస్తారట. ఈ ఈవెంట్‌లో ప్రత్యేకతలు ఉండనున్నాయట. ఆ కార్యక్రమానికి ముఖ్య అతిధులుగా చిరంజీవి, నాగార్జున, ప్రభాస్, మహేష్ బాబు లాంటి అగ్ర హీరోలు వస్తున్నారట.
అలాగే ‘కలియుగ పాండవులు’ సినిమా నుంచి ఇప్పటివరకు వెంకీతో పని చేసిన దర్శకులు, సాంకేతిక నిపుణులు, హీరోయిన్లు ఇతర నటులు వచ్చేలా ప్లాన్స్‌ చేస్తున్నారట. రానా ఆధ్వర్యంలోనే ఈ ఏర్పాట్లు జరుగుతున్నాయట. సన్నిహిత వర్గాల సమాచారం ప్రకారం చూస్తే దర్శకేంద్రుడు రాఘవేంద్రరావు, బి.గోపాల్, కోదండరామి రెడ్డి, ముప్పలనేని శివ, భీమనేని శ్రీనివాసరావు, సురేష్ కృష్ణ, జయంత్ సి పరాన్జీ తదితరులు హాజరవుతారట.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
