బాలీవుడ్ కండల వీరుడు సల్మాన్ ఖాన్ హీరోగా అలీ అబ్బాస్ జాఫర్ డైరెక్షన్లో వచ్చిన తాజా చిత్రం ‘భారత్’. కత్రినా కైఫ్,దిశా పటాని హీరోయిన్లుగా నటించారు. విశాల్ శేఖర్ సంగీతమందించిన ఈ చిత్రాన్ని ‘రీల్ లైఫ్ ప్రొడక్షన్స్’ ‘సల్మాన్ ఖాన్ ఫిలిమ్స్’ ‘టి సిరీస్’ సంస్థలు కలిసి 100 కోట్ల భారీ బడ్జెట్ తో ఈ చిత్రాన్ని నిర్మించాయి. రంజాన్ కానుకగా ఈ నెల 5న ప్రేక్షకుల ముందుకు వచ్చింది. మొదటి షో నుండే ఈ చిత్రానికి డివైడ్ టాక్ వచ్చింది. కానీ సల్మాన్ స్టార్ డం, అలాగే పండుగ సీజన్ కావడంతో బాగా క్యాష్ చేసుకుంది. సల్మాన్ కెరీర్లోనే ఈ చిత్రం భారీ ఓపెనింగ్స్ ను రాబట్టి ట్రేడ్ కి సైతం షాకిచ్చింది.
ప్రపంచవ్యాప్తంగా 4,700 థియేటర్స్ లో విడుదలైన ఈ చిత్రం మొదటి రోజు వసూళ్ళ విషయంలో ‘ప్రేమ్ రతన్ ధన్ పాయో’ రికార్డును బ్రేక్ చేసింది. మొదటి రోజు 42.30 కోట్లను .. రెండో రోజున 31 కోట్లను .. మూడో రోజున 28 కోట్లను వసూలు చేసింది ఈ చిత్రం. ఇలా మొదటి మూడు రోజుల్లోనే 100 కోట్ల క్లబ్ లోకి చేరిపోయి రికార్డు సృష్టించింది. ఇంతటి భారీ విజయాన్ని అందించిన ప్రేక్షకులకు సల్మాన్ ఖాన్ తన ట్విట్టర్ థాంక్స్ చెప్పాడు.
