తెలుగు చిత్ర పరిశ్రమ ఉన్నంతవరకు అభినేత్రి సావిత్రి పేరు నిలిచిపోతుంది. ఆమె జీవితం ఆధారంగా ప్రస్తుతం మహానటి అనే సినిమా రూపుదిద్దుకుంటోంది. ఎవడే సుబ్రహ్మణ్యం సినిమాతో దర్శకుడిగా పరిచయమైన నాగ్ అశ్విన్ సావిత్రి నిజ జీవిత కథను వెండితెరపై ఆవిష్కరిస్తున్నారు. మహిళా దినోత్సవం సందర్భంగా విడుదల చేసిన ఈ మూవీ ప్రీ లుక్ అందరినీ ఆకట్టుకుంది. స్వప్న సినిమా సమర్పణలో వైజయంతి మూవీస్ పతాకంపై నిర్మితమవుతున్న ఈ సినిమాలో కీర్తి సురేష్ సావిత్రి గా, సమంత జర్నలిస్ట్ రోల్ పోషించనున్నట్లు ప్రచారం జరిగింది. అయితే ఈ ఫిల్మ్ సెట్స్ పైకి వచ్చే సరికీ కొత్త ప్రశ్నలకు తావు ఇచ్చింది. షూటింగ్ స్పాట్ లోని ఫోటోలు నిన్న నెట్లో హల్ చల్ చేశాయి. కీర్తి సురేష్ రెండు జడలు వేసుకొని సావిత్రి సినిమా పరిశ్రమకు వచ్చిన కొత్తల్లో ఉన్న లుక్ లో కనిపించింది.
దేవదాసు సినిమాలో సావిత్రిని గుర్తుకు తెచ్చింది. ఇక సమంత అయితే మాయాబజార్ మూవీలో సావిత్రిలా ముస్తాబయింది. దీంతో అందరూ సమంత పోషించే రోల్ ఏమిటని ఆరా తీయడం మొదలు పెట్టారు. జర్నలిస్టుగా అయితే ఆ చీర, ఆభరణాలు ఎందుకు అని ప్రశ్నిస్తున్నారు. సావిత్రి పాత్రనే కీర్తి, సమంత ఇద్దరూ పోషిస్తున్నారని అంచనా వేస్తున్నారు. స్టార్ కాక ముందు కీర్తి, స్టార్ అయిన తర్వాత సమంత సావిత్రి రోల్లో కనిపిస్తారని భావిస్తున్నారు. మరి ఈ అంచనా ఎంతవరకు కరక్ట్ అవుతుందో.. త్వరలోనే తెలియనుంది.
Also, do SUBSCRIBE to our YouTube channel to get latest Tollywood updates.
