అమల దారిలోనే సమంత

హిందూ సాంప్రదాయ ప్రకారం అత్తా కోడళ్లు భిన్న ధ్రువాలు లాంటి వారు. ఒకరి ఆలోచనలు మరొకరికి నచ్చవు. ఒకరు రైట్ అంటే.. మరొకరు లెఫ్ట్ అంటారు. ఇటువంటి పాతకాలపు నీతులకు అక్కినేని ఇంటి కోడళ్లు చెక్ చెబుతున్నారు. తాము బెస్ట్ ఫ్రెండ్ లా ఉంటామని చాటుతున్నారు. అక్కినేని నాగేశ్వరరావు చిన్న కోడలిగా అలనాటి నటి అమల అడుగుపెట్టింది. ఇప్పుడు ఆమెకి కోడలిగా నేటి నటి సమంత అడుగుపెట్టబోతోంది. వీరిద్దరూ మొదటి నుంచి మంచి ఫ్రెండ్స్ గా మెలుగుతున్నారు. అమల, సమంత లకు నటనలోనే కాదు .. అనేక విషయాల్లో ఆలోచనలు ఒక్కటయ్యాయి. అమలకు మూగ జీవాలంటే ప్రాణం. అందుకే ఆమె బ్లూ క్రాస్ సంస్థ ప్రారంభించి సేవ చేస్తోంది.

సమంతకు కూడా సేవా కార్యక్రమాలు అంటే చాలా ఇష్టం. ప్రత్యూష ఫౌండేషన్ కు వెన్నుగా నిలిచి పేద చిన్నారులకు ప్రాణం పోస్తోంది. మోడీ పిలుపు మేరకు అమల స్వచ్ఛ భారత్ లో పాల్గొంటే .. మ్యాక్స్‌క్యూర్ ఆసుపత్రి పిలుపు మేరకు అవయవదానం చేయడానికి సమంత ముందుకొచ్చింది. ఇలా ఇద్దరి మనస్తత్వాలు ఒకటికావడంతో.. భవిష్యత్తులో కూడా అత్తబాటలోనే కోడలు నడుస్తుందని అందరూ అంటున్నారు. పెళ్లి అయిన తర్వాత మాత్రమే కాకుండా పిల్లలు పుట్టిన తర్వాత కూడా సమంత సినిమాల్లో నటిస్తుందని ప్రత్యేకంగా చెప్పాల్సిన అవసరం లేదు.

Also, do SUBSCRIBE to our YouTube channel to get latest Tollywood updates.