టాలీవుడ్ క్రేజీ బ్యూటీ సమంతకు చాలా కాలం తర్వాత తీరిక దొరికింది. కింగ్ అక్కినేని నాగార్జున కాబోయే కోడలిగా అందరికీ తెలియడంతో సినిమా అవకాశాలు ఆమెకు తగ్గాయి. యువసామ్రాట్ నాగచైతన్యతో ప్రేమలో ఉన్నట్లు వార్త బయటికి వచ్చిన తర్వాత స్యామ్ ఒక తమిళ సినిమాకి మాత్రమే సైన్ చేశారు. ఆ మూవీ షూటింగ్ లో పాల్గొంటూ మిగతా సమయాల్లో ప్రియుడు చైతూతో చెట్టాపట్టాలేసుకొని తిరుగుతోంది. మొన్న అక్కినేని అఖిల్, శ్రీయా భూపాల్ ఎంగేజ్ మెంట్ కి నాగచైతన్యతో కలిసి హాజరైంది. ఇంత రిలాక్స్ గా లైఫ్ ని ఎంజాయ్ చేస్తున్న సమంత బిజీగా ఏ పనిలో ఉంది? అనుకుంటున్నారా..! అక్కడికే వస్తున్నా.. క్రిస్టియన్ ఫ్యామిలీలో జన్మించిన సమంత ప్రతి క్రిస్మస్ కు క్రిస్మస్ ట్రీని అలంకరించడం అలవాటు.
కొన్ని రోజుల్లో క్రిసమస్ రాబోతుండడంతో ప్రస్తుతం ఇంట్లో క్రిస్మస్ ట్రీ ని ఇష్టంగా ముస్తాబు చేస్తోంది. ట్రీ వద్ద కూర్చున్న ఆమె ఫోటోని రీసెంట్ గా ఇన్ స్ట్రాగ్రామ్ పోస్ట్ చేసింది. ఇది నా ఫేవరేట్ టైమ్ అంటూ ట్విట్టర్లో ట్వీట్ చేసింది. సమంత తెలుగులో జనతా గ్యారేజ్ తర్వాత ఏ మూవీ ఒప్పుకోలేదు. ప్రముఖ నిర్మాత అశ్వినిదత్ బ్యానర్లో నటించనున్నట్లు వార్తలు వినిపిస్తున్నాయి. నాగ అశ్విన్ దర్శకత్వంలో తెరకెక్కనున్న మహానటి సావిత్రి బయో పిక్ లో సావిత్రిగా కనిపించనున్నట్లు ఫిల్మ్ నగర్ వాసులు చెబుతున్నారు. మరో రెండు రోజుల్లో ఈ విషయం పై అధికారిక ప్రకటన వెలువడనుంది.
Also, do SUBSCRIBE to our YouTube channel to get latest Tollywood updates.
