బిగ్ బాస్ 4తో ఒక్కసారిగా తన క్రేజ్ పెంచుకున్న నటుడు అభిజిత్. ఈ నటుడు మొదట సినిమాలతో పెద్దగా క్రేజ్ అందుకోలేదు. కానీ ఎప్పుడైతే బిగ్ బాస్ లో తన అసలు క్యారెక్టర్ ను బయటపెట్టాడో జనాలకు అమితంగా దగ్గరయ్యాడు. ఆదివారం ఫైనల్ లో టైటిల్ విన్నర్ గా నిలిచేది అభిజితే అని ఇప్పటికే జనాలు బ్లైండ్ గా ఫిక్స్ అయ్యారు. కానీ బిగ్ బాస్ ఎప్పుడు ఎలాంటి ట్విస్ట్ ఇస్తాడో తెలియదు కాబట్టి అభిజిత్ విన్నర్ అవుతాడా లేదా అనేది చివరి వరకు చెప్పలేము.
ఇక బిగ్ బాస్ విన్నర్ అయినా కాకపోయినా కూడా అభికి మాత్రం క్రేజ్ చాలానే వచ్చింది. అతనికి ఫ్యాన్ ఫాలోయింగ్ ఏ రేంజ్ లో ఉందొ సమంత కూడా క్లారిటీ ఇచ్చింది. దసరా స్పెషల్ గా సామ్ ప్రత్యేక హోస్ట్ గా వచ్చిన విషయం తెలిసిందే. సమంత హోస్ట్ గా వచ్చినప్పుడు ఆమె ఫోకస్ ముందు అభి వైపే ఉండింది. ఇక అతను హౌజ్ నుంచి ఎప్పుడు బయటకు వచ్చిన కూడా సామ్ జామ్ లోకి రావచ్చని తెలుస్తోంది.
ఆహా యాప్ లో సమంత నిర్వహిస్తున్న సామ్ జామ్ షోలోకి ఇప్పటివరకు విజయ్ దేవరకొండ, మెగాస్టార్ చిరంజీవి, అల్లు అర్జున్ వంటి వారు మాత్రమే వచ్చారు. మరి అలాంటి గ్రేట్ షోలోకి అభి వస్తే అతని స్థాయి మరింత పెరుగుతుందని చెప్పవచ్చు.
Most Recommended Video
