ప్రస్తుతం సందీప్ కిషన్ “నెక్ట్స్ ఏంటి” అనే సినిమా చేస్తున్నాడు. తమన్నా కథానాయికగా కునాల్ కోహ్లీ దర్శకత్వంలో రూపొందుతున్న ఈ సినిమాకి సంబంధించి రీసెంట్‌గా టీజర్, ట్రైలర్స్ విడుదల అయ్యాయి. ఈ ప్రోమోల ద్వారా ఈ సినిమా సబ్జెక్ట్ ప్రస్తుత జనరేషన్‌కి సంబంధించిందని తేలిపోయింది. సీన్లలో బూతు లేదు కానీ.. కంటెంట్ మాత్రం “అడల్ట్” అని అర్థమైపోయింది. దీంతో ఈ చిత్రంపై యూత్ ఆసక్తి చూపిస్తోంది.
అయితే ఓ నెటిజన్ మాత్రం ఇందులో హీరోగా విజయ్ దేవరకొండ ఉండుంటే బాగుండేదని అభిప్రాయాన్ని వ్యక్తపరిచాడు. “అసలు ఇలాంటి మూవీకి సందీప్ కిషన్‌ని హీరోగా ఎందుకు పెట్టారు? అదే విజయ్ దేవరకొండ అయ్యుంటే ఈ చిత్రం జనాల్లోకి ఓ రేంజ్‌లో వెళ్ళుండేది” అని ట్వీటాడు. ఇది చూసిన సందీప్.. “ఆ సమసయంలో విజయ్ డేట్స్ దొరకలేదంట… అందుకే నన్ను అడిగారు” అంటూ బదులిచ్చాడు. నిజానికి… ఆ నెటిజన్ చేసిన ట్వీట్‌కి సందీప్ కోపంగా రియాక్ట్ అవ్వొచ్చు. ఇష్టం వచ్చినట్లు తిట్లపురాణం సంధించి ఉండొచ్చు. కానీ అలా చేయకుండా సంయమనం పాటిస్తూ ఇలా రిప్లై ఇవ్వడంతో.. నెటిజన్లు సందీప్‌ని మెచ్చుకుంటున్నారు.
