తక్కువ సినిమాలే డైరెక్ట్ చేసినా తెలుగులో మంచి గుర్తింపును సొంతం చేసుకున్న దర్శకులలో సందీప్ రెడ్డి వంగా ఒకరు. యానిమల్ సక్సెస్ తో సందీప్ రెడ్డి వంగా రేంజ్ మరింత పెరిగింది. అర్జున్ రెడ్డి, యానిమల్ సినిమాలలో హీరోయిన్లను ఇంటికి మాత్రమే పరిమితమైన పాత్రలలో సందీప్ రెడ్డి వంగా చూపించారు. అలా చూపించడం గురించి ఆయన స్పందిస్తూ కీలక వ్యాఖ్యలు చేశారు. ఉమెన్ ఎంపవర్ మెంట్ అంటే అందరూ జాబ్ చేయడమో బిజినెస్ చేయడమో టీచర్లను చూపించడమో పోరాట యోధురాలిగా చేయడమో చేస్తారని కానీ వారందరూ హౌస్ వైఫ్ ను ఉమెన్ ఎంపవర్ మెంట్ గా చూపించరని సందీప్ వంగా అన్నారు.
నా దృష్టిలో మాత్రం అన్నిటితో పోలిస్తే అదే అతిపెద్ద ఉద్యోగమని చెప్పుకొచ్చారు. పిల్లలను ప్రయోజకులను చేయడంలో తల్లి పాత్ర ఎంతో పెద్దదని ఆయన అన్నారు. కొందరు రియల్ లైఫ్ లో ఉద్యోగాలు చేస్తూనే తల్లి పాత్ర కూడా ఏ మాత్రం తక్కువ కాకుండా పోషిస్తారని వారు ఇంకా గొప్పవారని సందీప్ రెడ్డి వంగా వెల్లడించారు. సందీప్ రెడ్డి వంగా చేసిన కామెంట్లు నెట్టింట తెగ వైరల్ అవుతున్నాయి.
సందీప్ రెడ్డి వంగా (Sandeep Reddy Vanga) తర్వాత మూవీ ప్రభాస్ హీరోగా స్పిరిట్ అనే టైటిల్ తో తెరకెక్కుతోంది. ఈ సినిమా కచ్చితంగా సక్సెస్ సాధిస్తుందని ఫ్యాన్స్ చెబుతున్నారు. ఈ సినిమాలో కొత్త ప్రభాస్ ను చూస్తారని సందీప్ రెడ్డి వంగా కామెంట్లు చేశారు. స్క్రిప్ట్ పనులు తుది దశకు చేరుకున్నాయని ఆయన వెల్లడించారు. ఈ ఏడాది సెప్టెంబర్ నెలలో ఈ సినిమా షూటింగ్ మొదలుకానుంది.
ప్రభాస్ ఈ సినిమాలో పోలీస్ ఆఫీసర్ రోల్ లో కనిపించనున్నారు. స్టార్ హీరో ప్రభాస్ తర్వాత సినిమాలపై అంచనాలు అంతకంతకూ పెరుగుతుండగా స్పిరిట్ తో ప్రభాస్ మరో బ్లాక్ బస్టర్ హిట్ ను సొంతం చేసుకుంటారేమో చూడాల్సి ఉంది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
