Sarath Babu, Namitha: శరత్ బాబు – నమిత ల మధ్య ఏం జరిగింది?

May 26, 2023 / 12:15 PM IST

సీనియర్ నటుడు శరత్ బాబు 4 రోజుల క్రితం మరణించిన సంగతి తెలిసిందే. కొంతకాలంగా కిడ్నీ ఫెయిల్యూర్, బ్లడ్ ఇన్ఫెక్షన్ వంటి సమస్యలతో ఆయన హాస్పిటల్ లో చికిత్స పొందుతూ వచ్చారు. బెంగళూరులో ట్రీట్మెంట్ తీసుకుంటుండగా మెరుగైన వైద్యం కోసం ఆయన్ని హైదరాబాద్ ఏఐజీ ఆస్పత్రికి మార్చడం జరిగింది. అయినా ఫలితం లేకపోయింది. పరిస్థితి విషమించడంతో ఆయన కన్నుమూశారు. ఈ విషయాన్ని వైద్య సిబ్బంది వెల్లడించింది. శరత్ బాబు నివాసం చెన్నైలో ఉన్నందున ఆయన పార్ధీవ దేహాన్ని అక్కడికి మార్చారు.

శరత్ బాబు పార్థీవ దేహాన్ని సందర్శించేందుకు చెన్నైలో ఉన్న సినీ ప్రముఖుల అందరూ వెళ్లారు. అయితే శరత్ బాబుకి సంతానం అంటూ లేదు. ఈ క్రమంలో ఆయన సోదరులు, సోదరుల సంతానంలో ఒకరు తలకొరివి పెట్టినట్టు తెలుస్తుంది. శరత్ బాబు హీరోగా నటుడిగా కొనసాగుతున్న టైంలో రమాప్రభతో ప్రేమలో పడ్డారు. ఆమె శరత్ బాబు కంటే వయసులో నాలుగేళ్లు పెద్దది. అయినా ఇద్దరు పెళ్లి చేసుకున్నారు. 14 ఏళ్లపాటు ఎంతో అన్యోన్యంగా కలిసున్న వీరు మనస్పర్థలు రావడంతో విడిపోయారు.

అటు తర్వాత తమిళ నటుడు నంబియార్ కూతురు స్నేహలతను పెళ్లి చేసుకున్న ఆయన .. 10 ఏళ్ళ తర్వాత ఆమెతో కూడా విడిపోయారు. శరత్ బాబు రెండు పెళ్లిళ్లు చేసుకున్నా ఆయనకు సంతానం కలగలేదు. అటు తర్వాత హీరోయిన్ నమితను శరత్ బాబు సీక్రెట్ గా పెళ్లి చేసుకున్నారు అంటూ అప్పట్లో ప్రచారం జరిగింది. కానీ అందులో నిజం లేదని ఆయన ఓ సందర్భంలో చెప్పుకొచ్చారు.

అలాగే నమిత భర్త వీరేంద్ర చౌదరి కూడా అది చాలా ఘోరమైన గాసిప్స్ అంటూ కొట్టిపారేశారు. నమిత – వీరేంద్ర జంట ఇప్పుడు హ్యాపీగా ఫ్యామిలీ లైఫ్ ను ఎంజాయ్ చేస్తున్నారు. వీరికి కవల పిల్లలు కూడా జన్మించారు. వారి ఫోటోలను కూడా నమిత సోషల్ మీడియాలో షేర్ చేస్తూ ఉంటుంది. ఆమె సినిమాల్లోకి రీ ఎంట్రీ ఇచ్చే ప్రయత్నాలు కూడా చేస్తుంది.