గోపీచంద్‌ ‘సీటీమార్‌’ రిలీజ డేట్‌ ప్రకటించినప్పుడు అందరూ ఆశ్చర్యపోయారు. పెద్ద సినిమాలు వస్తున్న సమయంలో, అందులోనూ ఈ సినిమా వచ్చిన వారానికి మరో స్టార్ హీరో సినిమా వస్తుండటంతో అందరి దృష్టి ‘సీటీమార్‌’ మీద పడింది. కొంతమంది సినిమా రిలీజ్‌ డేట్‌ మార్చుకుంటారులే అని కూడా అంచనాలు వేశారు. అయితే ఆ దిశగా ఎలాంటి పుకార్లు కానీ, వార్తలు కానీ రాలేదు. సినిమా మీద సంపత్‌ నంది – గోపీచంద్‌ బాగా నమ్మకంగా ఉన్నారేమో అనుకున్నారు. అయితే అందరినీ ఆశ్చర్యపరుస్తూ చిత్రబృందం సినిమాను విడుదల వేస్తూ ప్రకటన చేసింది.
‘సీటీమార్‌’ను ఏప్రిల్‌ 2న విడుదల చేస్తామని తొలుత టీమ్‌ ప్రకటించింది. దీని కోసం సినిమా పోస్ట్ ప్రొడక్షన్‌ పనుల్ని వేగంగా చేసుకుంటూ వచ్చింది. సింగిల్స్‌ లాంచ్‌, ప్రచారం స్పీడ్‌గా చేసుకుంటూ వచ్చింది. తీరా విడుదలకు వారం ఉందనగా సినిమా వాయిదా అంటున్నారు. మీకింకా బెస్ట్‌ మూవీ ఇచ్చేందుకే ఈ వాయిదా అని దర్శకుడు సంపత్‌ నంది ప్రకటించాడు. అయితే విడుదల తేదీ చెప్పలేదు. విశ్వసనీయ వర్గాల సమాచారం ప్రకారం అయితే సినిమాను ఏప్రిల్‌ 29కి వాయిదా వేశారట.
సినిమా పోస్ట్ ప్రొడక్షన్‌ పనుల్లో ఏదైనా అవారంతరం ఏర్పడితే సినిమా ఓ వారం వాయిదా వేయొచ్చు. అంతే కానీ ఇలా ఏకంగా నాలుగు వారాలు వాయిదా వేయడం ఏంటనేది ఇప్పుడు ప్రశ్న. మరీ 27 రోజులు వాయిదా వేసేంత పని ఏముందో చిత్రబృందం చెబుతుందో చూడాలి. లేదంటే వరుస స్టార్ల సినిమాలు వస్తున్న నేపథ్యంలో ఎందుకు మన సినిమా అనుకొని ‘సీటీమార్‌’ టీమ్‌ వెనక్కి తగ్గిందేమో అని నెటిజన్లు అనుకుంటున్నారు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
