ఒకప్పుడు వరుస సినిమాల్లో నటించి బిజీ ఆర్టిస్టులుగా రాణించిన ఎంతో మంది.. ఇప్పుడు కనుమరుగైపోయారు. అలాంటి వారిలో సీనియర్ నటి బేబీ వరలక్ష్మి ఒకరు.చైల్డ్ ఆర్టిస్ట్ గా కెరీర్ ను మొదలుపెట్టిన ఈమె ఆ తర్వాత 30 ఏళ్ల వరకు టాలీవుడ్ సినిమాల్లో కీలక పాత్రలు పోషిస్తూ వచ్చారు. అయితే ఈమె ఎక్కువగా రేప్ కు గురయ్యే అమ్మాయి పాత్రలు, మోసపోయిన యువతి పాత్రలు చేస్తూ వచ్చేది.అప్పుడప్పుడు చెల్లెలి పాత్రలు కూడా చేసేది.
ఈమె ఫేస్ అమాయకంగా కనిపిస్తుంది కాబట్టి.. దర్శకనిర్మాతలు కూడా ఎక్కువగా ఈమెకు అలాంటి పాత్రలు కట్టబెట్టేవారని ఆమె పలు సందర్భాల్లో చెప్పుకొచ్చింది. అయితే ఇటీవల ఈమె పాల్గొన్న ఓ ఇంటర్వ్యూలో తన ఆస్తులకు సంబంధించిన విషయాల పై స్పందించి షాకింగ్ కామెంట్లు చేసింది. చాలా కాలం తర్వాత మీడియా ముందుకు వచ్చిన ఈమె “గతేడాది చివర్లో.. సూపర్ స్టార్ కృష్ణ చనిపోయినప్పుడు చాలా ఏడ్చినట్టు తెలిపింది. తర్వాత… ‘నన్ను సిస్టర్ వరలక్ష్మి లేదా బేబీ వరలక్ష్మి అని పిలిస్తే పలుకుతాను కానీ రేపుల వరలక్ష్మి అని పిలిస్తే మాత్రం చాలా బాధపడతాను.
నాతోటి నటీనటులు కొంతమంది రేపుల వరలక్ష్మి అని పిలిచేవారు. అది నాకు అస్సలు నచ్చేది కాదు.నేను ఇక్కడ హీరోయిన్ గా సినిమాలు చేయకపోయినా హీరోయిన్ల రేంజ్లో అయితే సంపాదించుకున్నానని… నాకు పారితోషికం కూడా హీరోయిన్ల రేంజ్లోనే ఇచ్చేవాళ్ళు అని, చెన్నైలో నాకు కోట్లు విలువ చేసే ఆస్తులు ఉన్నాయని చాలా మంది చెప్పుకునే వాళ్ళు. కానీ అందులో నిజం లేదు. నేను చైల్డ్ ఆర్టిస్ట్ గా చేసినప్పుడు చాలా తక్కువ పారితోషికం ఇచ్చేవాళ్ళు.
అందరికంటే ఎక్కువగా పారితోషికం తీసుకున్నది శాలిని మాత్రమే.నా పారితోషికాలు స్కూల్ ఫీజులు కట్టడానికి కూడా సరిపోయేవి కాదు. మా నాన్న గారు నా స్కూల్ ఫీజులు కట్టడానికి చాలా ఇబ్బందులు పడేవారు.ఆ తర్వాత సినిమాల్లో చెల్లెలు పాత్రలు చేయడం మొదలుపెట్టిన తర్వాత బాగా పారితోషికాలు అందుకున్నాను.కానీ నాకు కోట్లు విలువ చేసే ఆస్తులైతే లేవు. కానీ ఇప్పటికైతే మాకు కలిగిన దాంతో సంతోషంగానే ఉన్నాం’ అంటూ చెప్పుకొచ్చింది వరలక్ష్మీ.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home