బుల్లితెరపై జబర్దస్త్ షోకు ఉండే క్రేజ్ అంతాఇంతా కాదు. ఈ షో ప్రారంభమై చాలా సంవత్సరాలైనా ప్రేక్షకాదరణ ఏ మాత్రం తగ్గని షోగా ఈ షో పేరును సంపాదించుకుంది. ఇప్పటికీ మంచి టీఆర్పీ రేటింగ్ లను సొంతం చేసుకుంటున్న జబర్దస్త్ షోకు రోజా, సింగర్ మనో జడ్జీలుగా ఉన్నారు. అయితే నెల రోజుల క్రితం సర్జరీలు చేయించుకోవడంతో రోజా కొన్ని వారాల పాటు జబర్దస్త్ షోకు దూరం కావాల్సి వచ్చింది.
రోజాకు బదులుగా ఆమె స్థానంలో ఇంద్రజ జబర్దస్త్ షోకు హాజరు కావడంతో పాటు జడ్జిగా హుందాగా వ్యవహరించారు. సరదాగా పంచ్ లు వేస్తూ ఇంద్రజ ప్రేక్షకులను ఆకట్టుకున్నారు. అయితే రోజా పూర్తిగా కోలుకోవడంతో మళ్లీ జబర్దస్త్ షోకు రీఎంట్రీ ఇచ్చారు. రోజా జడ్జి ప్లేస్ లో ఉన్న ప్రోమో ఇప్పటికే రిలీజ్ కాగా నెటిజన్లు తమకు జడ్జిగా ఇంద్రజనే కావాలని కామెంట్లు పెడుతుండటం గమనార్హం. ఇంద్రజ రోజాకు కొత్త తలనొప్పిని తెచ్చిపెట్టారనే చెప్పాలి.
జబర్దస్త్ షో ప్రోమో కింద రోజా జడ్జిగా వద్దని కొందరు నెటిజన్లు కామెంట్లు పెడుతుంటే మరి కొందరు నెటిజన్లు తీవ్రస్థాయిలో నెగిటివ్ కామెంట్లు పెడుతున్నారు. రోజాపై నెగిటివ్ కామెంట్లు వ్యక్తమవుతున్న నేపథ్యంలో మల్లెమాల యూనిట్ ఏ విధంగా ముందుకెళుతుందో చూడాల్సి ఉంది. సీనియర్ హీరోయిన్ ఇంద్రజ మాత్రం రోజాను తెగ టెన్షన్ పెడుతున్నారని తెలుస్తోంది. అయితే నెగిటివ్ కామెంట్లు వ్యక్తమైనా మల్లెమాల యూనిట్ రోజాను తొలగించే అవకాశం లేదని ఆమె ఫ్యాన్స్ అభిప్రాయపడుతున్నారు.
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
