కోలీవుడ్ స్టార్ హీరో విజయ్ నటించిన లేటెస్ట్ సినిమా ‘బీస్ట్’. నెల్సన్ దిలీప్ కుమార్ డైరెక్ట్ చేసిన ఈ సినిమాలో పూజాహెగ్డే హీరోయిన్ గా నటించింది. ఏప్రిల్ 13న ఈ సినిమా విడుదల చేయడానికి సన్నాహాలు చేస్తున్నారు. దీంతో సినిమా ప్రమోషన్స్ షురూ చేశారు. ఈ క్రమంలో సినిమా ట్రైలర్ ను విడుదల చేయగా.. దానికి మంచి రెస్పాన్స్ వచ్చింది. తమిళ ట్రైలర్ విడుదల చేసిన రెండు రోజుల్లోనే తెలుగు, హిందీ ట్రైలర్ లను విడుదల చేశారు.
హిందీలో విడుదలైన ‘బీస్ట్’ ట్రైలర్ ను చూసిన బాలీవుడ్ సూపర్ స్టార్ షారుఖ్ ఖాన్ విజయ్ పై ప్రశంసలు కురిపించారు. ఈ మేరకు ఆయన ట్వీట్ చేస్తూ.. విజయ్ కి పెద్ద ఫ్యాన్ అని చెప్పుకొచ్చారు. ‘బీస్ట్’ ట్రైలర్ ను కూడా షేర్ చేశారు. ‘నేను అట్లీతో కూర్చున్నాను. నాలాగే ఆయన కూడా విజయ్ కి పెద్ద ఫ్యాన్. ‘బీస్ట్’ ట్రైలర్ చూశాను. అద్భుతంగా ఉంది. ఈ సినిమా టీమ్ అందరికి శుభాకాంక్షలు’ అంటూ రాసుకొచ్చారు.
ఈ ట్వీట్ చూసిన విజయ్ ఫ్యాన్స్ తెగ మురిసిపోతున్నారు. బాలీవుడ్ బాద్ షా అయిన షారుఖ్ ఖాన్ స్వయంగా ‘బీస్ట్’ ట్రైలర్ ను ప్రశంసించడం గర్వంగా ఉందంటూ కామెంట్స్ చేస్తున్నారు. అలానే విజయ్ కి ఫ్యాన్ అని చెప్పడంతో సంతోషపడిపోతున్నారు. ఫ్యూచర్ లో షారుఖ్, విజయ్ కలిసి ఓ సినిమా తీస్తారని ఆశిస్తున్నామంటూ విజయ్ ఫ్యాన్స్స్ ట్వీట్స్ చేస్తున్నారు. మరో నెటిజన్ అయితే.. ఇది షారుఖ్, విజయ్ ఫ్యాన్స్ సంతోషించే విజయమని..
త్వరలోనే షారుఖ్, విజయ్ లు కలిసి ఓ సినిమా చేయాలని కోరుతున్నారు. దీని గురించి ఆలోచించమని దర్శకులు అట్లీ, జగదీశ్ బ్లిస్ లకు సలహా ఇస్తున్నారు. ఇదిలా ఉండగా.. అట్లీ-షారుఖ్ కాంబినేషన్ లో సినిమా రానున్న సంగతి తెలిసిందే. ఈ సినిమాలో నయనతార హీరోయిన్ గా కనిపించనుంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
