బిగ్ బాస్ హౌస్ లో ఈవారం నామినేషన్స్ ఎమోషన్స్ తో అయ్యాయి. హౌస్ మేట్స్ అందరూ కూడా కంటతడి పెడుతూ ఒకరికోసం ఒకరు త్యాగం చేశారు. వారి ఇంటి కుటుంబసభ్యుల నుంచీ వచ్చిన ఉత్తరాలని త్యాగం చేస్తూ నామినేషన్స్ లోకి వచ్చారు. ఈవారం ఐదుగురు ఇంటిసభ్యులు ఇలా తమ ఉత్తరాలని కాదనుకుని నామినేట్ అయితే, శ్రీరామ్ చంద్ర మాత్రం తన ఉత్తరాన్ని చదివి కూడా జెస్సీకోసం నామినేట్ అయ్యాడు. దీంతో ఈసారి మొత్తం 6గురు నామినేషన్స్ లోకి వచ్చారు. షణ్ముక్, శ్రీరామ్ చంద్ర, రవి, మానస్, లోబో ఇంకా సిరి నామినేషన్స్ లో ఉన్నారు.
సన్నీ ఇంటి కెప్టెన్ కాబట్టి సన్నీ నామినేషన్స్ లోకి రాలేదు. ఫస్ట్ పవర్ రూమ్ లోకి వెళ్లిన మానస్ , శ్రీరామ్ ఇద్దరికీ లోబో ఇంకా ప్రియాంక లేఖలు అందాయి. వీరిలో లోబో ప్రియాంక కోసం తన లెటర్ ని త్యాగం చేశాడు. నామినేట్ అయ్యాడు. ఆ తర్వాత విశ్వ కోసం తన ప్రియుడు శ్రీహాన్‌ రాసిన లేఖను ముక్కలు చేసింది సిరి. విశ్వ బిడ్డ ఎమోషన్ ని నేను అర్ధం చేసుకోగలను అంటూ మాట్లాడింది. ఇక అసలు ట్విస్ట్ ఇక్కడే మొదలైంది. అనీమాస్టర్ కి సిరికి షణ్ముక్ ఇంకా కాజల్ లేఖలు వచ్చాయి.
ఫస్ట్ టైమ్ కాజల్ ఏడ్వటాన్ని చూసిన షణ్ముక్ తన లెటర్ ని శాక్రిఫైజ్ చేయడానికి సిద్ధం అయ్యాడు. ఇక్కడే సిరి నాకు రాలేదు..కనీసం నువ్వైనా లెటర్ చదువు అంటూ మాట్లాడింది. కానీ, షణ్ముక్ అందుకు ఒప్పుకోలేదు. మా అమ్మ క్యాన్సర్ ని జయించింది. అలాగే అమ్మమ్మ చనిపోయినప్పుడు కూడా ధైర్యంగా ఉంది. ఇప్పుడు నేను ధైర్యంగా ఉండలేనా అంటూ మాట్లాడాడు. మా అమ్మే నాకు ఇన్సిపిరేషన్ అంటూ చెప్పాడు. ఈ బాధలోనుంచీ బయటపడతాను అంటూ ఎమోషనల్ అయ్యాడు. దీంతో వాళ్ల అమ్మరాసిన ఉత్తరాన్ని సైతం వదలుకుని నామినేట్ అయ్యాడు షణ్ముక్. అదీ విషయం.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
