ఒక్క రొమాంటిక్ ఫోటోతో హీరోయిన్ గారి ప్రేమ వ్యవహారం బయటపడిందట..!

January 26, 2024 / 12:45 PM IST

కొంతమంది హీరోయిన్లు మొదటి సినిమాతో సక్సెస్ సాధించినా.. ఆ తర్వాత ఎందుకో రాణించలేరు. అలాంటి వారి లిస్ట్ తీసుకుంటే అందులో కచ్చితంగా సీరత్ కపూర్ ఉంటుందని చెప్పొచ్చు. శర్వానంద్ హీరోగా తెరకెక్కిన ‘రన్ రాజా రన్’ సినిమాతో పెద్ద బ్లాక్ బస్టర్ అందుకుంది. ఆ తర్వాత ‘టైగర్’ ‘కొలంబస్’ ‘రాజు గారి గది 2 ‘ ‘ఒక్క క్షణం’ ‘కృష్ణ అండ్ హిజ్ లీల’ వంటి క్రేజీ సినిమాల్లో నటించి మెప్పించింది. ఆ సినిమాలు బాగానే ఆడాయి.

కానీ ఆ తర్వాత వచ్చిన ‘టచ్ చేసి చూడు’ ‘మా వింత గాధ వినుమా’ వంటి చిత్రాలు పెద్దగా అనుకున్న ఫలితాలు ఇవ్వలేదు. ఆ తర్వాత ఎందుకో ఈ అమ్మడు తెలుగులో కూడా సినిమాలు చేసింది లేదు. ఇదే టైంలో హిందీలో పలు సినిమాల్లో అలాగే వెబ్ సిరీస్ లలో నటిస్తూ బిజీగా గడుపుతోంది. ఈమె గురించి ఓ ఇంట్రెస్టింగ్ న్యూస్ టాలీవుడ్లో చక్కర్లు కొడుతోంది. ఓ టాలీవుడ్ స్టార్ హీరోయిన్ తమ్ముడితో ఈమె (Seerat Kapoor) ప్రేమలో ఉందట.

అతను మరెవరో కాదు అమన్ ప్రీత్ సింగ్. ఇతను టాలీవుడ్ స్టార్ హీరోయిన్ రకుల్ ప్రీత్ సింగ్ తమ్ముడు. ఇటీవల సీరత్ కపూర్ తో కలిసి అమన్ ఓ ప్రైవేట్ సాంగ్ చేశాడట. ఆ టైంలోనే వీరి మధ్య ప్రేమ చిగురించినట్లు తెలుస్తుంది. న్యూ ఇయర్ రోజున వీరి రొమాంటిక్ పిక్ ఒకటి బయటకు వచ్చింది. దీంతో ఆ వార్తలు నిజమే అని అందరూ భావిస్తున్నారు.