సాధారణంగా ఒక భాషలో సూపర్ హిట్ అయిన సినిమాలను మరో భాషలో రీమేక్ చేస్తుంటారు. ఇది అన్నీ ఇండస్ట్రీల్లో రెగ్యులర్ గా జరిగే వ్యవహారమే. కానీ.. మన తెలుగు ప్రొడ్యూసర్ అనిల్ సుంకర మాత్రం విచిత్రంగా హిందీలో ఫ్లాప్ గా నిలిచిన ఓ చిత్రాన్ని తెలుగులో రీమేక్ చేయాలని ప్లాన్ చేస్తున్నారు. హిందీలో రాజ్ కుమార్ రావు-కృతి కర్భందా జంటగా తెరకెక్కిన “షాదీ మే జరూర్ ఆనా” అనే చిత్రాన్ని తెలుగులో రీమేక్ చేయనున్నారు.
ఈ చిత్రంలో హీరోగా శర్వానంద్ పేరు వినిపిస్తోంది. ఆల్రెడీ అనిల్ సుంకర దగ్గర శర్వా డేట్స్ ఉండడంతో.. ఈ సినిమాను శర్వా హీరోగా తీద్దామని ప్లాన్ చేస్తున్నాడట. రివెంజ్ డ్రామాగా తెరకెక్కిన ఈ చిత్రాన్ని బాలీవుడ్ ప్రేక్షకులే ఆదరించలేకపోయారు. అలాంటిది తెలుగులో ఆడుతుందని నిర్మాత ఎలా ఎక్స్ పెక్ట్ చేస్తున్నాడో ఎవరికీ అర్ధం కావడం లేదు. పైగా.. ఈ చిత్రంలో పెద్ద మొత్తంలో బడ్జెట్ ఖర్చు చేయనున్నాడట అనిల్ సుంకర. ఇకపోతే.. శర్వానంద్ నటించిన “పడి పడి లేచే మనసు” డిసెంబర్ 21న విడుదలకానుంది. ఈ సినిమాపై శర్వా చాలా ఆశలు పెట్టుకొన్నాడు.
Home