‘నిన్ను కోరి’ ‘మజిలీ’ వంటి రెండు లవ్ స్టోరీలతో బ్లాక్ బస్టర్లు కొట్టిన దర్శకుడు శివ నిర్వాణ…ఈసారి రూటు మార్చి ఓ మాస్ అండ్ ఫ్యామిలీ ఎంటర్టైనర్ ను రూపొందించాడు. అదే ‘టక్ జగదీష్’ మూవీ. సెప్టెంబర్ 10న ఈ చిత్రం వినాయక చవితి కానుకగా అమెజాన్ ప్రైమ్ ఓటిటిలో విడుదల కాబోతుంది. ప్రచార కార్యక్రమాల్లో భాగంగా విడుదల చేసిన పాటలు, టీజర్, ట్రైలర్లకు మంచి స్పందన లభించింది. దాంతో ఈ సినిమా పై మంచి అంచనాలే ఏర్పడ్డాయి.
ఈ సినిమా కనుక హిట్ అయితే.. దర్శకుడు శివ నిర్వాణకి పెద్ద హీరోల నుండీ కూడా ఫోన్లు రావచ్చు. ఇదిలా ఉండగా.. ‘మజిలీ’ చిత్రానికి రివర్స్ లో ‘టక్ జగదీష్’ కు ఓ ఇన్సిడెంట్ చోటు చేసుకుంది. అది ఈపాటికే చాలా మంది కనిపెట్టేసి ఉంటారు.విషయం ఏంటంటే.. శివ నిర్వాణ మొదటి రెండు సినిమాలకి ‘నిన్ను కోరి’ ‘మజిలీ’ లకి గోపి సుందర్ సంగీతం అందించాడు. అయితే ‘మజిలీ’ కి వచ్చేసరికి తమన్ బ్యాక్ గ్రౌండ్ స్కోర్ ఇవ్వడం జరిగింది. ఆ సినిమాకి తమన్ అందించిన బి.జి.యం కి హ్యూజ్ రెస్పాన్స్ వచ్చింది.
సినిమాకి ప్రాణం తమన్ బ్యాక్ గ్రౌండ్ స్కోరే అనే విధంగా ప్రశంసలు కురిసాయి. అందుకే ‘టక్ జగదీష్’ కు ఏరి కోరి తమన్ ను సంగీత దర్శకుడిగా ఎంపిక చేసుకున్నాడు శివ నిర్వాణ. అయితే ఈసారి సీన్ రివర్స్ అయ్యింది. ‘టక్ జగదీష్’ కు బ్యాక్ గ్రౌండ్ స్కోర్ మాత్రం గోపి సుందర్ అందించినట్టు ట్రైలర్ లో స్పష్టంచేశారు. అందుకు ప్రధాన కారణం తమన్ బిజీగా ఉండడమే అని స్పష్టమవుతుంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
