ఆర్ ఆర్ ఆర్ లో ఎంతమంది స్టార్ హీరోలకు ప్లేసుంది?

ఆర్ ఆర్ ఆర్ మూవీపై ఉన్న క్రేజ్ గత రెండు రోజులుగా డబుల్ అయ్యింది. ఈ మూవీ నుండి ఉగాది కానుకగా టైటిల్ లోగో మరియు మోషన్ పోస్టర్ విడుదల చేశారు. కొమరం భీమ్ గా ఎన్టీఆర్ అని రామరాజుగా చరణ్ ని పరిచయం చేసిన విధానం, నిప్పు నీరుతో పెట్టిన పోలిక సినీ జనాలకు బాగా నచ్చేసింది. ఇక వీరి పాత్రలను ఓ ఉద్యమంలో ఎలా మెలిపెట్టారు, వారిని ఎలా కలిపారు అనేది ఆసక్తికరంగా మారింది.

భారీ క్యాస్టింగ్ తో పాన్ ఇండియా మూవీగా తెరకెక్కుతున్న ఈ చిత్రంలో బాలీవుడ్ స్టార్ హీరో అజయ్ దేవ్ గణ్, హీరోయిన్ అలియా భట్ అలాగే తమిళ దర్శక నిర్మాత సముద్రఖని నటిస్తున్నారు. కాగా ఈ చిత్ర క్యాస్టింగ్ విషయంలో పుకార్లు అసలు ఆగడం లేదు. మరో ఇద్దరు స్టార్ హీరోల పేర్లు ఆర్ ఆర్ ఆర్ క్యాస్టింగ్ లో వచ్చి చేరాయి. ఆర్ ఆర్ ఆర్ తమిళ వర్షన్ లో ఓ క్యామియో రోల్ కొరకు తలపతి విజయ్ ని నటింపజేయాలని చిత్ర యూనిట్ భావిస్తోందట.

ఆయనతో సంప్రదింపులు జరపే ఆలోచనలో దర్శక నిర్మాతలు ఉన్నారట. అలాగే మలయాళ సూపర్ స్టార్ మోహన్ లాల్ ని సైతం ఆర్ ఆర్ ఆర్ లో ఓ రోల్ కోసం తీసుకోవాలని అనుకున్నారని వినిపిస్తున్న వార్తలు. దీనితో అసలు ఆర్ ఆర్ ఆర్ సినిమాలో ఎంత మంది స్టార్స్ కి స్థానం ఉంది. అసలు ఈ పుకార్లలో నిజం ఎంత అనే అనుమానాలు కలుగుతున్నాయి. వీటన్నింటిపై స్పష్టత రావాలంటే కొద్దిరోజులు ఎదురుచూడాల్సిందే.

Most Recommended Video

నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్