Shruti Haasan: పెళ్లిపై స్పందించిన స్టార్ హీరోయిన్!

September 20, 2021 / 04:20 PM IST

సౌత్ లో స్టార్ హీరోయిన్ గా గుర్తింపు తెచ్చుకున్న శృతిహాసన్ కొన్నాళ్లపాటు బాలీవుడ్ కి వెళ్లి అక్కడ అవకాశాల కోసం ప్రయత్నించింది. అదే సమయంలో అమ్మడు లండన్ కి చెందిన ఓ వ్యక్తితో ప్రేమాయణం సాగించింది. ఇద్దరూ పెళ్లి కూడా చేసుకుంటారనుకున్నారు కానీ ఏమైందో ఏమో.. కొన్నాళ్లకే ఈ జంట విడిపోయారు. ఆ తరువాత డిప్రెషన్ లోకి వెళ్లిన శృతి.. తేరుకొని ఇప్పుడు తన కెరీర్ పై ఫోకస్ పెట్టింది. అయితే ఈ బ్యూటీ దగ్గర పెళ్లి టాపిక్ తీసుకొస్తే తెగ ఫైర్ అయిపోతూ ఉంటుంది.

గతంలో ఓ సందర్భంలో డేటింగ్ చేస్తాను కానీ పెళ్లి మాత్రం చేసుకోనని చెప్పింది శృతి. ఇప్పటికీ అదే పాటిస్తోంది. 35 ఏళ్ల శృతి ప్రస్తుతం శాంతను హజారికా అనే ఆర్టిస్ట్ తో సహజీవనం చేస్తోంది. కానీ అతడిని పెళ్లి చేస్తుకుంటుందా..? లేదా అనే విషయంలో క్లారిటీ లేదు. దీంతో నెటిజన్లు ఎప్పటికప్పుడు ఈ విషయంపై శృతిని ప్రశ్నిస్తూ ఉంటారు. తాజాగా శృతి తన అభిమానులతో ఇన్స్టాగ్రామ్ లో లైవ్ చాట్ చేసింది.

వారు అడిగిన ప్రశ్నలకు ఓపికగా సమాధానాలు చెప్పింది. కానీ పెళ్లి ఎప్పుడని ఓ అభిమాని అడగ్గా.. ఘాటు రిప్లై ఇచ్చింది. ‘ఇలాంటి వాటి గురించి ఎక్కువగా ఆలోచించి.. బుర్ర పాడుచేసుకోను.. నా పెళ్లి గురించి ఊహే వద్దు’ అంటూ బదులిచ్చింది. దీన్ని బట్టి అసలు శృతికి పెళ్లి మీద ఆసక్తే లేదని తెలుస్తోంది. ఇక సినిమాల విషయానికొస్తే.. ప్రస్తుతం ఈ బ్యూటీ ప్రభాస్ తో కలిసి ‘సలార్’ అనే సినిమాలో నటిస్తోంది.