ఈ మధ్యకాలంలో చాలా మంది ప్రముఖుల బయోపిక్ లను సినిమాలుగా రూపొందించారు. మన తారలు కూడా బయోపిక్ లలో నటించడానికి ఆసక్తి చూపిస్తున్నారు. కొందరికైతే తమ కథనే సినిమాగా తీస్తే బాగుంటుందనే ఆశ కూడా ఉంటుంది. శృతిహాసన్ కి కూడా అలాంటి కోరికలు ఉన్నట్లు ఉన్నాయి. అందుకే మాటల సందర్భంలో మనసులోని కోరికను బయటపెట్టేసింది. రీసెంట్ గా ఇన్స్టాగ్రామ్ లో అభిమానులతో ముచ్చటించింది ఈ బ్యూటీ. ఈ సందర్భంగా ఓ అభిమాని ‘మీ కథ బయోపిక్ గా తీస్తే ఏం పేరు పెడతారు..?’ అంటూ ప్రశ్నించాడు.
దానికి శృతి వెంటనే.. ‘జ్వాలాముఖి’ అనే టైటిల్ పెడతానంటూ టక్కున బదులిచ్చింది. రొటీన్ సమాధానాలు చెప్పకుండా డైరెక్ట్ గా టైటిల్ సంగతి చెప్పడంతో శృతి దగ్గర ఈ టైటిల్ కి సరిపడా కథ రెడీగా ఉందేమోననే ప్రశ్నలు ఎదురవుతున్నాయి. తనకు నటన వారసత్వంగా వచ్చిందని.. ఆ కళ తనకు పుట్టుకతోనే ఉందని.. అయితే దాన్ని కాపాడుకోవడానికి అనుక్షణం కష్టపడుతుంటానని చెప్పుకొచ్చింది.
నెగెటివ్ పాత్రలంటే తనకు చాలా ఇష్టమని.. అలాంటి పాత్ర కోసం ఎదురుచూస్తున్నట్లు చెప్పింది. ప్రస్తుతం ఈ బ్యూటీ తెలుగులో రెండు సినిమాల్లో నటిస్తోంది. రవితేజ హీరోగా నటిస్తోన్న ‘క్రాక్’ సినిమాలో శృతి హీరోయిన్ గా కనిపించనుంది. అలానే పవన్ కళ్యాణ్ నటిస్తోన్న ‘వకీల్ సాబ్’ సినిమాలో శృతిని హీరోయిన్ గా ఫైనల్ చేశారు. జనవరి నుండి ఈ సినిమా షూటింగ్ లో పాల్గొనబోతుంది ఈ బ్యూటీ.
Most Recommended Video
2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
