దక్షిణాది టాప్ హీరోయిన్ నయనతార కి ప్రొఫిషనల్ లైఫ్ లో ఎన్ని విజయాలు ఉన్నాయో.. పర్సనల్ లైఫ్ లో అన్ని అపజయాలు ఉన్నాయి. ముఖ్యంగా ప్రేమలో బాగా దెబ్బతింది. మొదట శింబుతో ప్రేమాయణం సాగించిన ఈ భామ అది బెడిసి కొట్టడంతో.. ప్రభుదేవాని ప్రేమించింది. పెళ్లి వరకు వెళ్లింది. ఆఖరి క్షణంలో క్యాన్సిల్ అయింది. గుండె పగిలేలా ఏడ్చింది. సినిమాలతో బిజీ అవుతూ గతాన్ని మరిచిపోయింది. ఈ సమయంలో సినిమా కథలు మాత్రమే కాదు.. నయన ప్రేమ కథలు తెలిసిన యువ డైరక్టర్ విఘ్నేష్ శివన్ ఆమెను ప్రేమించాడు. నయన అతని ప్రేమలో మునిగిపోయింది.
ఇటు సినిమాలతో బిజీగా ఉంటూనే తీరిక సమయాల్లో విఘ్నేష్ తో విహారం చేస్తోంది. అంత సవ్యంగా జరుగుతుందనుకునే లోపున పాత ప్రియుడు శింబు వీరి మధ్యలోకి వచ్చాడు. ప్రత్యక్షంగా అడ్డు తగలకుండా.. గతంలో నయనతో కలిసి తీసుకున్న ఫోటోలను నెట్లో వదిలాడు. దానిని నెటిజన్లు ట్రోల్ చేస్తున్నారు. ఆ ఫొటోల్లో శింబుతో నయన క్లోజ్ గా ఉండడం చూసి విఘ్నేష్ కి కోపం వస్తోందంట. ఆ విషయాన్ని నేరుగా ప్రశ్నించకుండా చీటికీ మాటికీ నయనపై ఆగ్రహం వ్యక్తం చేస్తున్నట్టు కోలీవుడ్ వర్గాలు తెలిపాయి. ఈ ఫోటోలు కారణంగా నయన మూడో ప్రేమ కథ కూడా బ్రేకప్ స్టోరీ గా మిగిలిపోనుందని సినీ విశ్లేషకులు భావిస్తున్నారు.
