టాలీవుడ్ లో ఎన్నో పాటలు పాడి తన గొంతుతో లక్షల మంది అభిమానులను సొంతం చేసుకున్నారు సింగర్ సునీత. ఆమెకి సంబంధించిన వ్యక్తిగత విషయాలు తరచూ మీడియాలో హాట్ టాపిక్ అవుతుంటాయి. తాజాగా ఆమె ఓ మీడియా ఛానెల్ కి ఇంటర్వ్యూ ఇచ్చింది. ఇందులో ఆమె తను పడ్డ కష్టాల గురించి.. జీవితంలో ఎదురైన చేదు అనుభవాల గురించి చెప్పుకొచ్చారు. ఈ క్రమంలో ఓ మ్యూజిక్ డైరెక్టర్ భార్య వల్ల ఎదురైన ఘటన గురించి వివరించారు.
ఓసారి సునీత పాట పాడడానికి మ్యూజిక్ డైరెక్టర్ స్టూడియోకు వెళ్లారట. అక్కడ ఆ డైరెక్టర్ ఆయన చేతిలో ఉన్న మైక్ ను ఇస్తుండగా.. సునీత తీసుకొని పాట పాడేసి.. మైక్ అక్కడ పెట్టేసి వచ్చారట. అదంతా గమనించిన మ్యూజిక్ డైరెక్టర్ భార్య.. సునీత దగ్గరకు వెళ్లి.. ‘నువ్ ఏం చేస్తున్నావో నీకు తెలుస్తుందా..?’ అంటూ సీరియస్ అయిపోయారట. దీంతో సునీత ‘అసలేం చేశానండీ’ అని ప్రశ్నిస్తే.. మైక్ తీసుకునే సమయంలో సునీత చేతివేళ్లు సదరు మ్యూజిక్ డైరెక్టర్ కు తగిలాయట. ఈ విషయంలో మ్యూజిక్ డైరెక్టర్ భార్య సునీతను దారుణంగా అవమానిస్తుంటే.. ఆమెకి గట్టి సమాధానం ఇచ్చి వచ్చానని సునీత చెప్పుకొచ్చారు.
కానీ ఆ సంఘటన తనను ఎంతో బాధించిందని.. దీంతో ఏడ్చేశానని.. ఇలాంటి ఘటనలు తన జీవితంలో చాలానే జరిగాయని అన్నారు. స్టూడియోల్లో అయితే కొందరిని కొట్టాలనిపించేదని.. ఎంతోమందిని తిట్టానని.. కానీ ఈ విషయాలేవీ బయటకు చెప్పనని స్పష్టం చేశారు. ముందు మైక్ ఉంది కదా అని ఏది పడితే అది మాట్లాడనని చెప్పుకొచ్చారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
