తెలుగు, తమిళ భాషల్లో ఎస్.జె.సూర్య స్టార్ డైరెక్టర్ గా గుర్తింపును సొంతం చేసుకున్నారు. ఒకవైపు డైరెక్టర్ గా కొనసాగుతూనే పలు సినిమాల్లో సూర్య నటించగా ఆ సినిమాలు బాక్సాఫీస్ వద్ద హిట్ గా నిలిచాయి. వాలి సినిమాతో దర్శకుడిగా తెలుగు తెరకు పరిచయమైన ఎస్.జె.సూర్య నటించిన మానాడు సినిమా తాజాగా విడుదలైంది. ఈ సినిమా ప్రమోషన్లలో భాగంగా సూర్య ఆసక్తికర విషయాలను చెప్పుకొచ్చారు. సినిమాల్లోకి రాకముందు స్టార్ కావాలని అనుకున్నానని యాక్టర్ కావాలంటే ముందు డైరెక్టర్ గా మారాలని భావించానని ఎస్.జె.సూర్య చెప్పుకొచ్చారు.
పది సంవత్సరాలు తాను కష్టపడ్డ తర్వాత ఇండస్ట్రీలో నటుడిగా కెరీర్ ను మొదలుపెట్టానని ఎస్.జె.సూర్య తెలిపారు. పవన్ తో ఖుషీ, మహేష్ తో నాని సినిమాలు చేశానని ఈ హీరోలను తాను దగ్గరగా చూశానని సూర్య తెలిపారు. పవన్ కళ్యాణ్ దేవుడు స్వయంగా కూర్చొని తయారు చేసిన సింగిల్ పీస్ అని సూర్య కామెంట్లు చేశారు. పవన్ సినిమా చేస్తారో చేయరో అనే విషయాన్ని వెంటనే చెబుతారని పవన్ ఏది అనుకున్నా వెంటనే అయిపోవాలని ఎస్.జె.సూర్య చెప్పుకొచ్చారు.
మహేష్ మనస్సుకు నచ్చిన పని చేయడానికి కొంత సమయం తీసుకుంటారని కొంత ఆలోచన చేస్తారని ఎస్.జె.సూర్య తెలిపారు. ఈ ఇద్దరు హీరోల మధ్య తేడా ఇదేనని ఈ హీరోల స్వభావంను బట్టి విజయ్ ను మహేష్ తో అజిత్ ను పవన్ తో పోల్చవచ్చని ఎస్.జె.సూర్య పేర్కొన్నారు. పవన్, మహేష్ ఇద్దరూ టాలెంట్ ఉన్నవారే అని ఎస్.జె సూర్య కామెంట్లు చేశారు.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
