బాలీవుడ్ హీరోయిన్ సోనమ్ కపూర్ పెళ్లిళ్లపై చేసిన కామెంట్స్ సంచలనంగా మారాయి. ఇటీవల బాలీవుడ్ స్టార్ కపుల్ అమీర్ ఖాన్-కిరణ్ రావ్ లు విడిపోవడంతో పాటు గతంలో మరికొన్ని జంటలు విడాకులు తీసుకున్న నేపథ్యంలో సోనమ్ కపూర్ చేసిన వ్యాఖ్యలు హాట్ టాపిక్ గా మారాయి. అదృష్టవశాత్తు తాను బాలీవుడ్ కు సంబంధం లేని వ్యక్తిని పెళ్లి చేసుకొని.. వైవాహిక జీవితంలో సంతోషంగా ఉన్నానని చెప్పడం సోషల్ మీడియాలో వైరల్ అవుతోంది.
ప్రముఖ వ్యాపారవేత్త ఆనంద్ అహుజాను 2018లో సోనమ్ పెళ్లి చేసుకున్నారు. రీసెంట్ గా ఓ మ్యాగజైన్ కి ఇచ్చిన ఇంటర్వ్యూలో ఆమె కొన్ని ఆసక్తికర విషయాలను చెప్పుకొచ్చారు. దేవుడి దయ వల్ల ఇండస్ట్రీకి చెందిన వ్యక్తిని పెళ్లి చేసుకోలేదని.. ఆ విషయంలో నిజంగా కృతజ్ఞురాలిని అని అన్నారు. బాలీవుడ్ లో పని చేసేవాళ్ల ప్రపంచం సంకుచితంగా ఉంటుందని చెప్పారు. తనలానే ఆలోచించే వ్యక్తిని పెళ్లి చేసుకోవడం నిజంగా అదృష్టమని చెప్పుకొచ్చింది.
ఆనంద్ ను పెళ్లి చేసుకున్న దగ్గర నుండి ముంబై-ఢిల్లీ-లండన్ ల మధ్య ప్రయాణాలకే సమయం సరిపోయేది.. ఈ ఏడాది నుండే ఇద్దరం కలిసి గడుపుతున్నామని చెప్పుకొచ్చారు. తన ఫ్యామిలీ విషయాలతో పాటు బాలీవుడ్ లో విడిపోయిన జంటలపై ఆమె పరోక్షంగా చేసిన కామెంట్స్ ఇప్పుడు చర్చకు దారి తీశాయి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
