టాలీవుడ్ ఇండస్ట్రీలో సెలబ్రిటీ స్టేటస్ ను సొంతం చేసుకోవడం సులువు కాదు. అయితే నిజామాబాద్ జిల్లాకు చెందిన ఎంతోమంది సెలబ్రిటీలు ఇండస్ట్రీలో సత్తా చాటుతున్నారు. తమకంటూ ప్రత్యేక గుర్తింపును సంపాదించుకోవడంతో పాటు ఇండస్ట్రీలో తమ మార్క్ తో ప్రశంసలు పొందుతున్నారు. టాలీవుడ్ టాప్ ప్రొడ్యూసర్లలో ఒకరైన దిల్ రాజు నిజామాబాద్ జిల్లాకు చెందినవారు. నిజామాబాద్ కు దగ్గర్లో ఉన్న నర్సింగ్ పల్లి దిల్ రాజు స్వస్థలం. గత రెండు దశాబ్దాలుగా దిల్ రాజు టాప్ ప్రొడ్యూసర్ గా కెరీర్ ను కొనసాగిస్తున్న సంగతి తెలిసిందే.
టాలీవుడ్ టాప్ యాంకర్లలో ఒకరైన శ్రీముఖి నిజామాబాద్ జిల్లాకు చెందినవారు. ఆమె కుటుంబ సభ్యులు ప్రస్తుతం నిజామాబాద్ లో నివాసం ఉంటున్నారు. ప్రముఖ కమెడియన్ వెన్నెల కిషోర్ నిజామాబాద్ జిల్లాలోని కామారెడ్డికి చెందినవారు. వయస్సు పెరుగుతున్నా వెన్నెల కిషోర్ తన కామెడీ టైమింగ్ తో ప్రేక్షకులను ఆకట్టుకుంటున్నారు. టాలీవుడ్ స్టార్ హీరోలలో ఒకరైన నితిన్ కూడా నిజామాబాద్ జిల్లాకు చెందినవారు. నితిన్, దిల్ రాజు బంధువులు కాగా ఈ విషయం చాలా తక్కువ మందికి మాత్రమే తెలుసు.
అదితి మ్యాకాల్ కామారెడ్డికి చెందిన వారు కాగా సినిమాలు, వెబ్ సిరీస్ ల ద్వారా ఈ నటి మంచి పేరును సంపాదించుకున్నారు. ప్రముఖ కమెడియన్ చమ్మక్ చంద్ర కూడా నిజామాబాద్ జిల్లాకు చెందినవారు. గాంధారి మండలంలోని వెంకటాపూర్ చమ్మక్ చంద్ర సొంతూరు కావడం గమనార్హం. సింగర్ విష్ణుకిషోర్ ఆర్మూర్ మండలంలోని కోమన్ పల్లికి చెందిన వ్యక్తి కాగా విష్ణుకిషోర్ మ్యూజిక్ డైరెక్టర్ గా కూడా కెరీర్ ను కొనసాగిస్తున్నారు.
నిజామాబాద్ కు చెందిన బల్గూరి రజిత్ రావు, ప్రభాకర్ నిర్మాతలుగా సత్తా చాటుతున్నారు. ప్రముఖ గేయ రచయితలలో ఒకరైన రుద్రంగి రమేష్ కూడా నిజామాబాద్ జిల్లాకు చెందిన వ్యక్తి కావడం గమనార్హం.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
