వాయిదా పడిన స్పైడర్ చివరి సాంగ్ షూటింగ్

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా ఒక పాట  మినహా షూటింగ్ మొత్తం కంప్లీట్ చేసుకున్న సంగతి తెలిసిందే. ఈరోజు (ఆగస్టు 1) నుంచి  స్పైడర్ లో మిగిలిఉన్న పాట చిత్రీకరణ మొదలు పెట్టాలని ప్లాన్ చేశారు. యూరప్ లోని అందమైన లొకేషన్లో మహేష్, రకుల్ పై డ్యూయెట్ తెరకెక్కించాలని డిసైడ్ అయ్యారు. అయితే చివరి నిముషంలో ఈ షూటింగ్ వాయిదా పడింది. పోస్ట్ ప్రొడక్షన్ వేగంగా జరుగుతున్న ఈ సమయంలో టీమ్ యూరప్ కి వెళ్తే పనులు ఆలస్యం అవుతుందని మురుగదాస్ భావించి షూటింగ్ పోస్ట్ ఫోన్ చేసినట్లు తెలిసింది.

ఈనెల 19 లోపున ఎడిటింగ్ డబ్బింగ్ మొత్తం పూర్తి చేయాలనీ డిసైడ్ అయ్యారు. ఆగస్టు 20 నుంచి మిగిలిన ఒక్కపాట షూటింగ్ మొదలుకానుంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న స్పైడర్ మూవీ సెప్టెంబర్ 27 న ప్రపంచవ్యాప్తంగా రిలీజ్ కానుంది. హరీష్ జయరాజ్ ఈ చిత్రం కోసం అద్భుతమైన పాటలను కంపోజ్ చేశారు. వాటిలో బూమ్ బూమ్ అనే పాటను రేపు యూట్యూబ్ లో రిలీజ్ చేయనున్నారు.

Also, do SUBSCRIBE to our YouTube channel to get latest Tollywood updates.