Karuna Kumar, Pawan Kalyan: శ్రీదేవి డైరెక్టర్ కు పవన్ ఛాన్స్ ఇస్తారా?
August 30, 2021 / 02:16 PM IST
|Follow Us
స్టార్ హీరో పవన్ కళ్యాణ్ తో ఒక్క సినిమా అయినా తెరకెక్కించాలని కలలు కనే దర్శకులు ఇండస్ట్రీలో ఎంతోమంది ఉన్నారు. పలాస 1978, శ్రీదేవి సోడా సెంటర్ సినిమాలతో విజయాలను సొంతం చేసుకున్న కరుణ కుమార్ పవన్ కళ్యాణ్ కోసం అద్భుతమైన స్క్రిప్ట్ ను సిద్ధం చేశారని సమాచారం. శ్రీదేవి సోడా సెంటర్ ప్రమోషన్స్ లో భాగంగా కరుణ కుమార్ ఈ విషయాన్ని వెల్లడించారు. పవన్ ఇప్పటివరకు చేయని సబ్జెక్ట్ తన దగ్గర ఉందని ఆయన అన్నారు.
ఫ్యాన్స్ పండుగ చేసుకునే విధంగా పవన్ కోసం సిద్ధం చేసిన కథ ఉంటుందని కరుణ కుమార్ తెలిపారు. పవన్ తన కథలో నటిస్తే వేరే లెవెల్ లో ఉంటుందని ఆయన అన్నారు. పవన్ కోసం అద్భుతమైన కథను సిద్ధం చేశానని కరుణ కుమార్ చెప్పకనే చెప్పేశారు. అయితే పవన్ ఇప్పటికే గ్రీన్ సిగ్నల్ ఇచ్చిన సినిమాలు వచ్చే ఏడాది చివరినాటికి పూర్తి కానున్నాయి. ఆ తర్వాత పవన్ రాజకీయాల్లో బిజీ కానున్నారు.
కరుణ కుమార్ పవన్ ను కలిసి కథ చెబితే పవన్ ఆ కథకు గ్రీన్ సిగ్నల్ ఇస్తారో లేదో చూడాల్సి ఉంది. యంగ్ డైరెక్టర్లను ప్రోత్సహించే హీరోలలో పవన్ కళ్యాణ్ ముందువరసలో ఉంటారు. మరోవైపు శ్రీదేవి సోడా సెంటర్ కు బాక్సాఫీస్ వద్ద మంచి కలెక్షన్లు వస్తున్నాయి. వరుస విజయాల వల్ల కరుణ కుమార్ కు క్రేజ్ అంతకంతకూ పెరుగుతోంది. కరుణ కుమార్ తర్వాత సినిమాలో హీరో ఎవరో తెలియాల్సి ఉంది.