హీరోలన్నాక సినిమాల రిలీజ్ టైమ్ లో ఏదో ఒక సందర్భంలో పోటీపడడం అనేది సర్వసాధారణం. అదే సమయంలో ఒకరు విజయాన్ని సొంతం చేసుకొంటే.. మరొకరు పరాజయం పాలవ్వడం అనేది కూడా తప్పని విషయం. కానీ.. ఇద్దరు స్నేహితులు ఒకేరోజు పోటీపడడం అనేది మామూలుగా జరగదు. కానీ.. గత శుక్రవారం అది చోటు చేసుకొంది. బెస్ట్ ఫ్రెండ్స్ అయిన నారా రోహిత్-శ్రీవిష్ణు అనుకోకుండా ఒకేరోజు తమ చిత్రాలను విడుదల చేశారు. నారా రోహిత్ నటించిన “బాలకృష్ణుడు”, శ్రీవిష్ణు కథానాయకుడిగా తెరకెక్కిన “మెంటల్ మదిలో” చిత్రాలు ఒకేరోజు విడుదలయ్యాయి.
వీటిలో కథ-కథనంలో ఎలాంటి కొత్తదనం లేని “బాలకృష్ణుడు” డిజాస్టర్ గా నిలవగా.. సరికొత్త కథ-కథనాలకి ఫీల్ గుడ్ ఎంటర్ టైన్మెంట్ కూడా తొడవ్వడంతో మొదట మల్టీప్లెక్స్ ఆడియన్స్, ఇప్పుడు మాస్ ఆడియన్స్ వరకూ అందర్నీ ఆకట్టుకొంటూ.. సూపర్ హిట్ దిశగా దూసుకుపోతోంది. నారా రోహిత్ కూడా తన సినిమా ఫ్లాపైనందుకు బాధపడకుండా.. తన స్నేహితుడి సినిమా హిట్ అయినందుకు సంతోషపడుతున్నాడు. ఇకపోతే.. ఇదేవారం మరో 8 సినిమాలు రిలీజవ్వగా.. అవన్నీ కూడా కనీసం రెండ్రోజులు కూడా థియేటర్లో కనువిందు చేయకుండా కనుమరుగవ్వడం గమనార్హం.
