గత ఏడాది ‘దఢక్’ చిత్రం తో హీరోయిన్ గా పరిచయమయ్యింది జాన్వీ కపూర్. అతిలోక సుందరి శ్రీదేవి కుమార్తెగా బాలీవుడ్ కి ఎంట్రీ ఇచ్చి మొదటి చిత్రంతోనే సూపర్ హిట్ అందుకుని… తన నటనతో కూడా ఆకట్టుకుంది. ఇక ఈ చిత్రం తరువాత జాన్వీ… రెండు చిత్రాలకు గ్రీన్ సిగ్నల్ ఇచ్చిన సంగతి తెలిసిందే. అందులో ఒకటి కరణ్ జోహార్ దర్శకత్వంలో తెరకెక్కుతున్న భారీ మల్టీ స్టారర్ చిత్రం ‘తక్త్’ కాగా… మరొకటి మహిళా వైమానిక యోధురాలు గుంజన్ సక్సేనా బయోపిక్ కావడం విశేషం.
ఈ చిత్రంలో జాన్వీ – గుంజన్ పాత్రలో నటించనుంది. కార్గిల్ యుద్ధంలో వీరోచితంగా పోరాడిన గుంజన్ సక్సేనా పనితీరు గురించి ఇప్పటికి చెప్పుకుంటూనే ఉన్నారు. ఈ బయోపిక్ కోసం జాన్వీ చాలా కష్టపడుతుంది. ఇప్పటికే తన పాత్రకోసం ప్రత్యేకంగా గుంజన్ ని కలిసి చాలా విషయాలు తెలుసుకుందట. ఇటీవల ఈ చిత్రం కోసం ఇండియన్ ఎయిర్ ఫోర్స్ లో శిక్షణ కూడా తీసుకుంది జాన్వీ. అంతేకాదు గుంజన్ పాత్రకోసం 7కిలోల వరకూ బరువు కూడా పెరగనుందట. ఫిబ్రవరిలో కానీ మార్చి లో కానీ ఈసినిమా షూటింగ్ స్టార్ట్ కానుంది
Home