‘కేజీఎఫ్’ సినిమాతో హీరోయిన్ గా ఎంట్రీ ఇచ్చింది శ్రీనిధి శెట్టి. తొలి సినిమాతోనే పెద్ద హిట్ అందుకుంది. ‘కేజీఎఫ్’ పార్ట్ 1 కంటే పార్ట్ 2తో ఆమెకి మంచి పేరొచ్చింది. పాన్ ఇండియా లెవెల్ లో గుర్తింపు రావడంతో ఆమెకి ఇతర ఇండస్ట్రీల నుంచి కూడా అవకాశాలు వస్తున్నాయి. కన్నడకి చెందిన ఈ బ్యూటీ ఇప్పుడు తెలుగు, హిందీ సినిమాలపై దృష్టి పెట్టింది. దానికి తగ్గట్లుగా ప్రయత్నాలు షురూ చేసింది.
కానీ ఆమె ఆశిస్తున్న రేంజ్ లో ఛాన్స్ లు మాత్రం రావడం లేదు. దానికి కారణం.. ఈ బ్యూటీ భారీ రెమ్యునరేషన్ డిమాండ్ చేయడమే. ‘కేజీఎఫ్’ క్రేజ్ ను క్యాష్ చేసుకోవడానికి కొందరు నిర్మాతలు తమ సినిమాల్లో శ్రీనిధిని హీరోయిన్ గా తీసుకోవాలనుకున్నారు. ఈ క్రమంలో ఆమెని సంప్రదించగా.. ఒక్కో సినిమాకి రెండు కోట్ల రెమ్యునరేషన్ డిమాండ్ చేస్తూ షాక్ ఇస్తుందట. ఇటీవల ఓ టాలీవుడ్ ప్రొడ్యూసర్ తన సినిమాలో నటించమని అడగ్గా..
స్టార్ హీరోయిన్ పూజాహెగ్డే తీసుకున్న దానికంటే ఎక్కువ మొత్తం అడిగిందట శ్రీనిధి శెట్టి. దీంతో సదరు నిర్మాత మరో మాట మాట్లాడకుండా అక్కడ నుంచి వచ్చేశారట. ఈ కారణంగానే నిర్మాతలు ఆమెని హీరోయిన్ గా తీసుకోవడం లేదని టాక్. అయితే శ్రీనిధి మాత్రం రెమ్యునరేషన్ తగ్గించుకోవాలని అనుకోవడం లేదు.
తనకు పాన్ ఇండియా లెవెల్ లో గుర్తింపు ఉందని.. కాబట్టి ఆ మాత్రం రెమ్యునరేషన్ డిమాండ్ చేయడంలో తప్పు లేదని ఫీలవుతోంది. ఆమె ఆశించడంలో తప్పు లేదు కానీ అంత పారితోషికం ఇచ్చే నిర్మాతలు కూడా ఉండాలి కదా..? శ్రీనిధి ఇన్ని కోట్లు కావాలని ఫిక్స్ అయి ఉంటే మాత్రం అవకాశాలు రావడం కష్టమే!
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
