బిగ్ బాస్ షో నుంచి ఆ కంటెస్టెంట్ ను తప్పిస్తారా..?

October 20, 2022 / 06:44 PM IST

బుల్లితెరపై నెంబర్ వన్ షోగా దూసుకుపోతుంది బిగ్ బాస్. బాలీవుడ్ లో స్టార్ హీరో సల్మాన్ ఖాన్ ఈ షోని హోస్ట్ చేస్తున్నారు. ఇప్పటివరకు హిందీలో పదిహేను సీజన్లను పూర్తి చేసుకుంది బిగ్ బాస్. ఇప్పుడు పదహారో సీజన్ నడుస్తోంది. ఈ షో మీద మొదటి నుంచి విమర్శలు వస్తూనే ఉన్నాయి. ఎన్నో వివాదాలను ఎదుర్కొంది ఈ షో. అయితే ఇప్పుడు ఈ షోపై మీటూ ఎఫెక్ట్ పడింది. బిగ్ బాస్ సీజన్ 16లో బాలీవుడ్ దర్శకుడు సాజిద్ ఖాన్ కంటెస్టెంట్ గా పాల్గొన్నారు.

ఇప్పుడు ఆయనపై ముంబైలోని జుహూ పోలీస్ స్టేషన్ లో కంప్లైంట్ నమోదైంది. నటి షెర్లిన్ చోప్రా.. సాజిద్ ఖాన్ పై ఫిర్యాదు చేసింది. కంప్లైంట్ కాపీని డిప్యూటీ కమిషనర్ ఆఫ్ పోలీస్, నేషన్ ఉమెన్స్ కమిషన్ కు పంపించింది. బిగ్ బాస్ షో నుంచి షాజిద్ ఖాన్ ను తప్పించాలని కోరింది. ఇంతకీ షెర్లిన్.. అతడిపై ఎందుకు ఫిర్యాదు చేసిందంటే.. 2005లో సాజిద్ నుంచి ఫోన్ వచ్చిందని.. కథ చెబుతానని ఇంటికి పిలిచి తనతో అసభ్యంగా ప్రవర్తించాడని కంప్లైంట్ లో పేర్కొంది.

ఆ సమయంలో తండ్రి చనిపోయాడనే బాధలో ఉన్నానని.. అందుకే సాజిద్ విషయాన్ని ఎవరితో షేర్ చేసుకోవాలో అర్ధం కాలేదని చెప్పింది. కొన్ని రోజుల క్రితం కూడా షెర్లిన్ చోప్రా.. షాజిద్ పై విమర్శలు చేసింది. అతడికి సెక్స్ పిచ్చి అంటూ చెప్పుకొచ్చింది. ఇప్పుడు అతడిపై కంప్లైంట్ చేసింది. 2005లో జరిగిన ఘటనపై ఆమె ఫిర్యాదు చేసి..

కేంద్రమంత్రి అనురాగ్ ఠాకూర్ కి లేఖ రాయనున్నారని.. అలానే బిగ్ బాస్ కార్యక్రమాన్ని ప్రసారం చేస్తున్న కలర్స్ టీవీ యాజమాన్యానికి సాజిద్ ఖాన్ ఉన్న ఎపిసోడ్స్ ప్రసారం చేయకూడదని.. నోటీసులు జారీ చేయబోతున్నట్లు షెర్లిన్ న్యాయవాది వెల్లడించారు.